Ntênhk chiv nhênhv, diễu binh, diễu hành 70 shông ntâuk zênhx tros châuz ntơưv Điện Biên Phủ tưz tâu tsưr tsix ntơưv tiêx vận động tỉnh Điện Biên hnuz 7/5. Lưx lươngv cxaz chuôz diễu binh, diễu hành muôx 12.000 ntâu lênhx nênhs đhâu thâuv muk đhâu hâur yar tiêx tưz tror muk nzir đhâu ntâu ntu cêr đros muôx chôngz pêx xênhv thiêz tsôngv kruô sêiz shuôk. Cxuô lênhx nênhs tâu sêiz txos xor xưv no mak puôr lênhx shir phaz thiêz ndo njôngr tsik plox. Zơưv Vũ Văn Hựu, kuz bôv đôiv lâul cxaz chuôz ntâuk tros châuz Mỹ muôx ntâu cêr shir phaz thâuv tror xar txos chor quân muk ntâuk tros châuz hâur jiês diễu binh, diễu hành no. Txơưv tưz lâul tsik yuô muôx jos lok zơưv cux sir jos tuôx trâu Điện Biên chiê tâu sêiz tas nro têz qơưk, tas nro mênhx cxưx li jiês chiv nhênhv lox no: “Txơưv tưz lâul tas ntâu đas jos lok cur cux sir jos tuôx sêiz pov lok six shir phaz, sơưr đơưk cux shir phaz hênhr, Têz qơưk tsưr tsix lok six jông thiêz uô jông sêiz nus txos chor kuz bôv đôiv lâul viv li cur lok six shir phaz”./.

Vũ Lợi-Lik Thox cxêik nhênhv

              Zos tỉnh tox siêz ntus đriv, chor ziv chuôz zis pluôk siêz viv li côngz xưv cxuôv yeiz thiv pluôk tâu tỉnh Điện Biên sir jos uô. Txix TW li têx pênhr jos, đros chính quyênx tiv phaz li têx tsưr ziv uô uô cê thiêz tsôngv box li têx sir jos, côngz xưv cxuôv cêr yeiz pluôs tưz thiêz tsênhv tax têx chêx cuk jông. Tiv zix, hli 5 shông 2023, ndar txos chiv nhênhv 70 shông Ntâuk zênhx Điện Biên Phuv, tsaz yênhx cxuôv tsêr lav uô trâu 5 cxênhz ziv chuôz zis pluôk, chuôz zis chính sách nhoz Điện biên tâu krêz uô lơưr đề án zos UB TWMTTQ VN lov lik, sik côngv đros Ban thường vụ tỉnh ủy Điện Biên cxiv tsa tưz paz têx ziv chuôz zis, nênhs txov nhêv nhoz tiv phaz sir jos hâur luz nênhx. Đhâu 9 luz hlik txix thâuv phuôx tôngv, tas nro 5 cxênhz luz tsêr tâu uô tiêr, choz thiêz chox lok sir zôngv, uô tiêr uô ntêx 3 luz hlik pir đros tsưr ziv tso tơưv./.

VOVTB-Txâur Vax cxeik nhênhv

              Nhiv kruôr đhâu, muôx nas chuô lok ntơưv ntâu thax tsav qơư hâur tỉnh Lào Cai tưz ruôr hiêv ntâu txos têx vax tsêr thiêz cxuô zav. Lơưr nriêr pâuz, tas nro muôx 170 luz tsêr trâus puôk tsuôx, tsêx trung ntơưv thành phố Lào Cai thiêz 2 huyện Bát Xát, Bảo Thắng. Nas chuô lox cux ruôr hiêv txos ntâu tsoz chos, ntông nox txir… njuôk xav trâus ruôr hiêv muôx nhos 20 héc ta.

              Ntơưv xar Tạ Khoa, huyện Bắc Yên, tỉnh Sơn La, lok nas chuô lox cux uô đêx ngaz Tsêr cơưv cxênhx oz xar, 200 ntâu lênhx shux xênhz tsuv so ntơưr. Qơư đêx ngaz toz muôx oz đok ntâu txos 3 đok. Đhâu trâus ntux nas chuôz ruôr hiêv, chinhr quyền cxuô thax tsav qơư tưz tso nênhs ntơưv qơư paz trâu chor ziv chuôz zis, tsêr cơưv ntơưr uô vêv xênhz, kho đuô têx vax tsêr; nyêis yêv têx ntâuz ntơưr, chuôz zênhx muk trâu têx qơưk ngaz tuk… đros co, qênhz yuôx, chox kriê khưx phưx têx trâus ntux nas chuô ruôr hiêv chiê paz ngaz tuk trâu pêx xênhv, cưk kriê ntơưr thiêz shux xênhz hâur chêix ntux nas chuô./.

VOVTB-Lik Thox cxêik nhênhv

                Đros 25 nhóm, nganhx mênhx cxưx đros 41 di sản vênhx huôv phi vật thể cấp têz qơưk thiêz 2 di sản nhân loại, Lào Cai zos iz hâur têx tiv phaz muôx cêr chax chês vênhx huôv jông đros têx di sản vênhx huôv tiv xuz thơưx têz qơưk. Côngz xưv tuôr tsês vênhx huôv tsênhv tâu tiv phaz cxơưz tiês uô, reik đros ntâu vênhv thix, nhoz ntâu tênhx qơư txơưr. Têx tsưr ziv uô jông, xar tơưv jông hâur tuôr tsês, phuôx huiz têx tsiv grê vênhx huôv tsôngv box mênhx cxưx tsơưs nênhs ntơưv Lào Cai chox lok chêx cuk jông, paz Lào Cai cê tuôr tsês jông cêr chax chês têx mênhx cxưx, cê chox lok têx qơư ndis shuôk uô si jông chiê tsôngv kruô tuôx ndis seiz, cxơưz tiês huôv tsar ju lix, gôngr phênhv muôz siêz phênhv sâu, cxuôv yeiz thiv pluôk./.

DTMN-Txâur Vax cxeik nhênhv