Mentri Pato Megru daok mek panuac di dom kapul di ta-eng menuac urang ka danak dak kuhria Nghi dinh brei adat ka sarak brei caik dahlau bruk palih ruah anek saih, daong bruk bac megru ngan haong urang bac lac bangsa biak takik menuac urang. Tui nan, danak dak kuhria brei tanut daong tui yaok kapul bac megru salih ka bruk pandar sa tanut yau dahlau diah. Tanut daong hu ba tabiak meng 30% tal 150% tanut jien bilan di labik/urang/bilan, samu haong yaok pakat bac saong bruk pato pasram. Dalam nan, sinh vien, urang bac hadei dai hoc lac dom urang bangsa biak takik menuac urang piah kuhria brei mbang tui tanut daong glaong, meng 150% tanut jien bilan di labik yaok bilan; hu brei caik dahlau caga labik daok dalam ki tuc xa.

Tui kuhria di Ban raya HCM, hadei tuk ramik jabat karja, ban raya daok labaih 52 karja pakat xa, hu 48 phuong saong 4 xã oh ka kuhria taneh tui tanut chuan di Sarak Quoc hoi. Njauk  caik hatai, dalam dom phuong ngak tui tanut chuan ka taneh, hu 16 phuong ralo bhap bini, yam tapa 100.000 urang. Rilo phuong bhap bini glong meng 5 - 9 mbang dut haong tanut ba tabiak. Njauk ndem tal, dalam 6 phuong birau hu padang meng quan Gò Vấp klak oh ka ngak hu tui tanut chuan ka taneh min hu labaih 100.000 urang. 

So Ngak nong saong Alam langik ban raya Can Tho hu brei panuac kuhria caga labaih 1.513 ty dong piah peih ngak 198 danak dak, labik pakajap ar kraong, ar tasik dalam bhum. Meng akaok thun tal ini, dalam ban raya Can Tho hu rah tabiak labaih 230 labik glut jaleih, ngak ka 32 baoh sang njauk kan kandah; dalam nan hu 11 baoh sang njauk khat lahik taong abih. Bruk aval drah ramik caga phun jien hu makna piah khik kajap bruk ngak mbang saong raidiuk rahra di dom labik bhian gaok kan kandah.

Dalam 6 bilan akaok thun ini, Ban raya HCM duah bruk ngak birau ka labaih 123 ribau urang, sumu 68% bruk ba tabiak dalam thun. Bruk khin palih ruah di dom gah ngak tabiak, che tao, ndien tu, co khi, logistics, kong nghe khaw tin saong jitvu siam. Urak ini, rilo doanh nghiep yaom lac khin palih ruah tame rilo min daok gaok kan kandah tuk duah urang ngak tui njauk hatai caong khin ka bruk ngak saong pandar ilamo kong nghe. Bruk salih pandar taka so, pandar mac jamraih tame ngak daok ngak brei salih jalan palih ruah urang tame ngak bruk di rilo gah.

Yaom lac dalam tabung glaong bilan hajan, min di labik padang jalan peih samar Cao Lãnh - An Hữu, bruk padang ngak jeng rah tabiak samar chip. Tui Mbang Pasang iek danak dak mek hu labaih 80%. Urak ini hu labaih 200 akaok jamraik, kaya ndap nda gam haong jaik 300 ky su saong urang ngak kong ngak bruk gam gam di labik ngak. Dom gah padang ngak kham merat ba taong abih danak dak brei salah blaoh saong peih bruk brei nduac radaih di bingun puac thun.

Rajaei Indonesia padang ngak Danak dak khi ia (LNG) Masela di tỉnh Maluku piah pamong tal bruk khik brei ginup xang menyek. Njauk caik hatai, ini lac danak dak akaok meti pagam kong nghe khik saong padang piah carbon piah patrun athak nerak dalam bruk ngak tabiak kaya kan. Rajaei Indonesia jeng ba tabiak asar kadha piah takik labaih 60% dalam taong abih khik ia di Masela piah pabak bruk pandar dalam negar, piah daong ka dom gah kong nghiep  praong yau ngak tabiak khak saong sang mac ngak ndien.

Gah jirah rivang Cuba daok laik tame bruk klaih klaoh trak di bruk kan kandah meng bruk taong bhat di My saong kurang xang menyek, brei ka jaik ¾ khac san di negar ini brei kareik bambang saong rilo kapul pasang iek khach san dunya tabiak truh di darak pasar. Thu tuong Cuba Manuel Marrero brei thau gah jirah rivang negar ini urak ini “jaik yau dang padeih taong abih”, jhul 25.000 urang ngak bruk tame bruk theik ndong.         

Di Mexico, karja quận Venustiano Carranza, ban ine Mexico City, mek hu Ky luc Guinness dunya ka baoh ahar sandwich praong abih, atah labaih 100 met, trak labaih 1,5 tấn. baoh ahar ini hu dom urang ngak ahar di nyaom darak Torta anak urang maong iek. Hadei tuk taduan hu tanut glong abih, baoh ahar praong hu parabha jeng yaok binah brei ka urang mai maong iek mbang yaom./.