Page harei, 27/3, Uy mban Dan nguyen saong pasang iek di Quoc hoi peih mbang nyaom biai pabak khau tin, javap calei ka bruk langyah, javap calei ka panuac ndom di urang buh harak phieu payua tal mbang nyaom biai ka 10, Quoc hoi mbang ka 15 piah salah blaoh pathau khan pasang iek bruk langyah panuac ndom di urang buh phieu ba tagok mbang nyaom biai ka 1 di Quoc hoi mbang ka 16. Tui kuhria pathau khan, hu labaih 1.250 panuac ndom di urang buh phieu hu taduan, pataom taong abih. Bruk langyah panuac ndom meyai hu sangka iek praong jang, rilo Mentri rilo gah hu taduan, javap calei sarmar dom panuac ndom meyai, panuac ndom di urang buh phieu daong langyah dom asal kadha oh njauk hatai di rahra.

Meng thun 2022 mbiah tal ini, dam dara Ban Can Tho jhul pakhang bruk jak ba urang ngak bruk praong di Ndoan: “Dam dara halan hatian”, “ Dam dara hadah krah” saong “ Dam dara  ngak dahlau bruk khik caga taneh ia”, pambuak haong jalan “ 3 pambuak” lac pambuak bol lin, pambuak labik ngak bruk saong pambuak  bhap bini. Dam dara Ban Can Tho peih ngak jaik 17.570 danak dak, bruk ngak di dam dara dom pakat, kuhria taong abih hu labaih 26 ti dong.

Dalam danak dak labik parang thaik thaot seni nghe thuat Sambo bar dom bangsa Viet Nam, di tinh Dak Lak bahrau rah tabiak bruk ndom meyai ngan haong kadha Mboh chreih paneh ka ilamo dom bangsa Viet Nam. Dom nghe si hu klah rabha ka luac jalan ngak bruk thaot binguk saong hu pambuak pagam haong kadha ilamo dom bangsa. Rilo panuac ndom meyai lac, meng bruk rilo ka raidiuk, adat cambat saong ilamo siam gheih hu ngak jeng bruk pachreih karo kajap ka urang thaot binguk. Dom nghe si nao tame dalam kadha di ilamo, tapa nan daong pambak tabiak ilamo siam gheih di dom bangsa.

Harei pakacah tame tal bac 10 di karja Ban raya HCM peih ngak dalam 2 harei, harei 1 saong harei 2 bilan 6 tui bruk pakacah salih pakat bac birau hu UBND TPHCM ba tabiak. Anek saih pakacah 3 kadha cih vak nan lac: Toan, Ngu van (120 phút/mon) saong Ngoai ngu (90 minit). Kadha pakacah kuhria tui tanut 10, tanut le 0,25, kuhria sa mbang ka abih 3 mon. Tanut palih ruah lac kuhria taong abih klau kadha cih vak saong tanut pabak tui urang dalam sarak daong, pachreih bac. Anek saih pakacah ginup 3 kadha saong oh kadha halei tanut zero.

Raya Ilamo Mbang menyum, Kaya mbang bangi di Saigontourist Group 2026 daok rah tabiak di Labik Jirah rivang Văn Thánh, Ban raya Ho Chi Minh. Raya peih bambang duh ka tuai meng mon 15 tal 22 tuk yaok harei, meng ini tal abih harei 29/3. Tuai damuai hu mbang dom kaya mbang bangi di klau bhum, meng dom kaya mbang bhian yaok harei tal dom kaya mbang bhum ceik glaong, kaya mbang kaoh pulao tasik, kaya mbang medhin patao, tal kaya mbang taba saong labik labik kaya mbang di dom gah pambuak bruk pakat dunya.

Kong ty kapal haok vũ trụ tư nhan di Nga BUREAU 1440 ngak hu jak jeng siam mekre ba tagok ve tinh internet akaok meti hu 16 sruh tagok quỹ đạo, brei mboh bruk ngak dahlau dalam bruk padang ngak he thong khaw tin ve tinh riyak bak dunya. Nga kuhria brei cuh yaok pluh mbang, peih ngak yaok rituh ve tinh di dom patuk quỹ đạo piah pasiam  jitvu  khaw tin pambuak haong dunya.

Dom ky su Trung Quoc hu salah blaoh bruk thiet ke gilai nyuk jirah rivang dalam tasik akaok meti di negar ini, meda hu nyuk dalam 1.000m ala tasik, kuhria peih bruk pablei salih dahlau thun 2030. Gilai meda pajeng 4 urang, dalam nan hu 3 tuai damuai. Bruk patagok gilai nyuk jirah rivang dalam ala tasik bahrau abih piah peih praong bruk mbuan hu trun ala tasik brei ka jalan duh rahra di Trung Quoc.

Bhap bini Ba Lan birau ba gauk ngak adat roya meng kan biak gheih tuk cuh thaot salih urang kumei po bilan la-ar Marzanna, taong yaom bruk salih bilan la-ar tapa bilan xuan. Tui sahaneng di bhap bini Xlavo cổ, Marzanna lac urang kumei po bilan  la-ar  saong langik pandiak, yau nan ye bruk cuh thaik salih hu makna lac patrauk  la-ar, iek lipa saong ruak kik, hu peih ngak tuk langik yam tame akaok bilan pataih.