Là mpồl lơh sa sền gàr dà lơgar lơh broă tàm 251 kơi sồ gùng nhàr dà lơgar rềp bal mờ lơgar Lào mờ lơgar Campuchia tàm tiah Tây Nguyên, tŭ do Ƀiñ đoàn 15 geh rơlao 15 rơbô nă kông ñân, cau lơh broă, geh uă ngan là cau kòn cau. 5 nam do, bŭ lah tìp uă bơta kal ke, mơya Ƀiñ đoàn kung gam gàr geh sùm priă nhai cau lơh broă in tàm rơlao 6 tơlăk 500 rơbô đong tàm 1 nă 1 nhai.

Pah nam, Ƀiñ đoàn ai rơlao 30 tơmàn đong nàng nàng lơh ală broă ròng siam, bơtơl, sền gàr bơta pràn kơl dang să jan mờ lơh jăt broă lơh “Hìu ram Kông đoàn, nùs nhơm niam cau tàm mpồl ling bal”. Pa do, đơs tàm Pơrjum Dờng cau la măt Kông đoàn dơ̆ V, Thiếu tướng ồng Hoàng Văn Sỹ, Phó Ƀí thư Đảng ủy, Kwang atbồ Ƀiñ đoàn 15 pà git: “Cau lơh broă cau Yoan mờ hìu làng bol kòn cau pơgồp bal hìu, dong kờl bal lơh sa, dong kờl bal bơtàu tơnguh lơh sa, tìp bal bơta niam chài. Priă geh bơh làng bol kòn cau gơguh mhar”.