Tơnơ̆ tŭ iăt kwang đơng lam bồ càr Kon Tum yal bè broă lơh rơcăng ai Ngai chờ Niam chài, Tàp pràn să jan mờ Lòt nhơl ală jơi bơtiàn tiah Tây Nguyên dơ̆ dùl, nam 2023, Ƀộ trưởng Ƀộ Kwang àng, Đại tướng Tô Lâm đơs nền, broă bơyai lơh geh cồng nha Ngai chờ Niam chài, Tàp pràn să jan mờ Lòt nhơl ală jơi bơtiàn tiah Tây Nguyên dơ̆ dùl, nam 2023 tàm càr Kon Tum geh bơta kwơ dờng màng ngan, pơgồp bơnah sền gàr, prăp gàr, ngui niam bơta kwơ phan lời wơl niam chài Tây Nguyên.

Ngai chờ bơh Ƀộ Văn hoá, Thể thao mờ Zu lịc pơgồp bal mờ bàr pe Ƀộ, gah lơh broă Dà lơgar mờ 05 càr tàm tiah Tây Nguyên, geh: Kon Tum, Gia Lai, Dăk Lăk, Dăk Nông mờ Lâm Đồng bơyai lơh. Tus bal ngai chờ geh pơgăp 1 rbô nă cau chài, cau đơs crih tam ya, cau tàp pràn să jan làng bol mờ cau ala măt ală jơi bơtiàn tŭ do gam kis tàm ù tiah 5 càr tàm tiah Tây Nguyên. Dơ̆ sơnđờm mŭt lơh ngai chờ geh bơyai lơh mang ngai 29/11 tàm Ƀlàng dờng ngai 16/3, ƀòn dờng Kon Tum, càr Kon Tum.