VOV.K'Ho- Hiòng dà croh lài do sàng ngan ai tŭ do den sơkal ngan, dà mbòr lài do ờ hoan geh cau lòt rê. Ală tam gơl bơh broă tam phan ờ tơl bơta kơ̆ kơl jăp jŏ jòng gam lơh ù tiah klàr tĕ, dà bơ̆ bơl, tiah ơm kis ƀòn lơgar ngai sơlơ pơhìn ờ niam. Tềng đăp bơta geh ngan hơ̆, cau kra tàm ƀòn mờ rơnàng kơnòm să bè H’ Mai neh tàm sơm bat tê bal lơh broă nàng sền gàr ù tiah brê bơnơm, sền gàr ù mờ dà- ală bơta kwơ màng bơh mpồl bơtiàn dê. Jơnau lồi poh “Gàr niam tĕ dà croh, dà mbòr, gàr tĕ ù” là jơnau tơngkah mờ kung là jơnau hòi jà cèng bềng kơnòl gơwèt mờ tiah ơm kis gùt dar he dê.