VOV.K'Ho- Ù tiah niam chài cing mồng Tây Nguyên geh UNESCO dờp là jơnau bơto mờ bơr kwơ màng ờ di phan bơna kòn bơnus dê. Mờ kòn cau K’ Ho kis tàm càr Lâm Đồng, kờñ pơgồp bal tàm broă prăp gàr, ngui bơta kwơ niam chài cing mồng, geh uă ngan cau chài tàm ală ƀòn gam tus bal prăp gàr, bơto dròng cing ai ală oh kòn tàm ƀòn in. Cau chài Cil Ha Ôñ, 90 sơnam, tàm sàh Lạc Dương, càr Lâm Đồng là dùl tàm ală cau geh pơnrơ ngan tàm broă lơh do.