VOV4.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu tơdroăng kal xiâm tiah kố:
-Pôa Phạm Minh Chính, Ngế pro xiâm hnê ngăn Chin phuh hiăng tơdah Ngế xiâm tơpui kâ kong têa Brazil.
-Pôa Vương Đình Huệ, Kăn xiâm hnê ngăn Kuô̆k hô̆i tơdah mâu Grup pơkuâ kân a pơlê kong kân Thượng Hải.
-Pơlê kong kơdrâm Kon Tum tơkŭm po hên tơdroăng kal mơhno khôi túa lĕm tro mơhnhôk ôm hyô.
-Khu râ kăn pơkuâ kong têa Lếo kheăn kơdeăn tơrŭm cheăng pơla péa khu tơrŭm Mât trâ̆n Việt Nam – Lếo.
-Ăng-glê veăng mơ-eăm lâp plâi tơnêi pơtroh tơmeăm tŏng kum ki kal xúa rêm hâi ki kân a Gaza.