VOV4.Xơ Đăng - A hâi kố, mâu kong pơlê tung lâp tơnêi têa pơrá tơkŭm po mâu tơdroăng pêi pro ai pơxúa koh hâk hâi mơdĭng kân dêi tơnêi têa, malối cho mâu tơdroăng ki po leh tơbâ hâi pơtáu Hùng hlâ (10/3) hâi Mâ Khế. Mâu tơdroăng cheăng kố mơhno khôi hmâ lĕm tro “Ôu têa pâ kơnhŏng”, hnê ăm mâu rơxông hơnăm ối nếo ‘nâi mơjo pâ jâ pôa xiâm hdrông hdrê pin nah. Rơtế ƀă lâp tơnêi têa, kuăn pơlê mâu hdroâng kuăn ngo Tây Nguyên xuân phiu ro ƀă hâi leh kân kố dêi tơnêi têa, veăng tung mâu tơdroăng leh tơbâ hâi pơtáu Hùng hlâ, tơdrêng amê, hlối mơhno hiâm mơno mâu tơdroăng ki lĕm tơviah dêi rêm hdroâng kuăn ngo.