VOV4.Xơ Đăng - Tung tơnêi têa pin ƀă kong têa ê ai mâu tơdroăng kal xiâm tiah kố:
-Pôa Vương Đình Huệ Kăn xiâm hnê ngăn Kuô̆k hô̆i hiăng klêi tơniăn hneăng lăm pôu kong têa Sinuâ.
-Pôa Phạm Minh Chính - Ngế pro xiâm hnê ngăn Chin phuh vâ ƀă tơdroăng pâ thế dêi Khu xiâm ngăn cheăng pêi - Mố đô̆i rong ƀă Rêh ối pơlê pơla ‘na tơdroăng pơkâ ăm pơtê 5 hâi, drêng troh leh hâi lơ 30/4 ƀă Hâi lâp Plâi tơnêi pêi cheăng lơ 1/5.
-Kăn phŏ hnê ngăn Vi ƀan kuăn pơlê dêi kong pơlê Lâm Đồng trâm mâ tơpui tơno ƀă Khu chêh Hlá tơbeăng Hàn Quốc.
-Hàn Quốc tơkŭm po hôp kân tơniăn AI rôh má péa a hâi lơ 21 troh hâi lơ 22 khế 5.