Rilo boh kayau hu pala di Lam Dong hu pablei di rilo sieu thi 

Dahlau diah, bruk pala njam di urang nong Lê Quang Lượng, daok di xã Tân Hội, huyện Đức Trọng (Lâm Đồng) tuk halei jeng gaok kan kandah kayua bein njam hijao dom janih di ong bhian pablei lap, hu tuk njam klaak bruk di  bein kayua oh hu menuac blei. Sa thun mai ini, meng hu pambuak bruk haong sa labik ngak njam hacih dalam xã, taong abih njam patam di ong Lượng jeng pablei biak nduac, yaom kaom tani tanat saong jien laba mek tame hu rilo jang dahlau. Ong Lượng brei thau, tuk bruk pambuak gauk hu peih ngak ye bruk pala njam hu mbuan laghaih jang, oh daok duh hatai ka bruk pablei.

  “Tuk drei pambuak gauk ngak ye darak pasar tani tanat saong jien laba duah hu jeng rilo jang. Urak ini meyah drei oh pambuak gauk, drei ngak saong pablei tabiak darak pasar lac biak kan. Van page lac phun njam min biar harei mai nyu jeng hareik, kayua yau nan ye drei njauk ngak yau habar piah page nan lac phun njam saong biar harei mai jeng lac phun njam. Caong khin yau nan ye drei njauk pambuak gauk piah ngak mbang, piah hu labik pablei tani tanat jang”.

Mboh hu kein laba di bruk pambuak gauk ngak, Lâm Đồng hu pacheih, jak ba urang nong saong dom HTX, doanh nghiệp dalam tỉnh padang chuỗi pambuak gauk ngak saong pablei dom janih kaya nong. Urak dalam tỉnh hu 165 chuỗi pambuak gauk ngak, rilo jang 45 chuỗi pambuak gauk dut haong 2 thun dahlau, dalam nan hu jaik sa meteh dom chuỗi hu dom kapul nyaom dalam negar saong dunya chứng nhận chất lượng pandap panda kaya nong. 

Tui ong Phạm S, Phaok akaok UB bhap bani tỉnh Lâm Đồng, bruk padang rilo chuỗi pambuak gauk ngak dom janih kaya nong hu daong tagok yaom gah ngak nong di tỉnh jaik 1,3 mbang dut haong dahlau, saong kaya pandap mek hu angaok sa mblang taneh pala drak kuhria rah tapa hu 180 triệu đồng sa ha sa thun. Ini lac jalan nao njauk bo tỉnh daok caik hatai sangka dalam bruk dak padang saong patagok bruk ngak nong taong abih gah, bahrau saong khang kajap. Ong Phạm S, lac:

“Lâm Đồng hu 165 chuỗi pambuak gauk ngak tabiak hu padang tagok, meng bruk pambuak gauk ini hu daong paglaong yaom kaya nong tui jalan hacih sa-at kaya mbang saong bruk ngak tabiak tui jalan paglaong. Lingiu di cak rok patagok bruk ngak nong pandar công nghệ glaong bo daok patagok bruk ngak nong tui jalan thông minh saong hữu cơ. Rilo kaya nong padang hu angan je, ba mai yaom glaong, rik daong patagok yaom pablei tabiak negar lingiu di tỉnh Lâm Đồng thun hadei glaong jang thun dahlau 20%”./. 

Urang lang: Jasi -11/10 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân