Thei jeng thau mbang rilo baoh kayau lac biak siam, min kayua urak ini rilo urang ngak bein saong urang pablei salih khin laba rilo, pablei tabiak darak pasar dom baoh kayau oh siam, oh hacih, hu rilo jru mek jhak ka prein yava.

Jalan pilih ruah baoh kayau siam, hacih

 Piah hu baoh kayau siam, njauk thau pilih ruah yau ini: Takik blei mbang dom janih baoh kayau suan bilan, abih di nyu nan lac dom bilan puac mùa. Kayua dalam tukvak ini langik oh siam, hu rilo halak halin, urang pala njauk pandar rilo jru khik caga phun pala, jru pachreih phun tamuh, pachreih baoh tabiak praong tal jaik harei paih baoh. Nan lac jalan ba tal dom bruk njauk jru mek meng mbang baoh kayau.

 Jhui pilih ruah dom baoh biak praong, dom baoh hu kanduh hijao jangaih, oh ra-ai sanam, bruk bram atau dom baoh hu tanut sit angaok kadak, saong oh blei dom baoh mbau biak karei. Njauk blei dom baoh daok that, daok tamo, oh saluak, njauk sambo màu di nyu, pan tame mboh baoh trak tangin, racam, khang.

 Jhui blei baoh laok kanduh bloh, kaoh bloh, baoh tram dalam ia kayua lingiu di bruk lac ia tram oh hacih, daok hu menuaclai tame ia dom janih jru piah ngak ka baoh samar tasak, racam saong mekre piah pachreih urang blei. Njauk caik hatai tal dom baoh gah langiu daok hijao jangaih, min gah dalam limin, bruk kayua pandar jru khik caga.

  Rao hacih baoh kayau dahlau di tuk mbang piah palahik dom jru khik caga phun pala daok kandaong veik di angaok mbaok baoh. Njauk rao gam dom baoh kayau oh mbang kanduh yau ye pa-ok, cam.., brei rao hacih bloh meng laok kanduh. Oh mbang tuk baoh hu sambo màu, mbau karei./.

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân