Thủ tướng Rajaei bahrau hu sarak ka bruk peih palih ruah urang ka Quốc hội mbang 15 song urang ka HĐND dom pakat tuk vak 2021-2026. Tui nan, UBND dom pakat samar pambuak bruk song Thường trực HĐND dom pakat, dom jabat pagam tal dalam bruk pasang iek duah thau song peih bruk palih ruah, khik caga mbang palih ruah  hu rah tabiak dalam siam mekre, njauk adat hukum. UBND ban Hà Nội, ban raya HCM, Đà Nẵng dalam bruk ngak di drei hu peih ngak dom sarak  di Quốc hội ka bruk peih ngak kajar đô thị. Dalam nan, 2 quận, phường di ban raya HCM, Đà Nẵng song  Hà Nội oh peih bruk palih ruah  urang HĐND tuk vak 2021 - 2026.

Mintri Y tế bier harei 14/1 mboh hu 10 urang njom nCoV, jeng lac urang tame negar hu brei daok karei chip di Hà Nam, Bình Dương, Hà Nội, TPHCM, Phú Yên. Yau nan, abih tih dom urang njom dalam negar urak ni lac 1.531, dom urang thit ruak lac 1.369. Dom urang ruak daok veik mboh hu prein yava tani tanat. Abih tih dom urang taom gaok jaik saong tame negar meng bhum jit daok hu brei daok karei labaih 18.000. Việt Nam hu 41 harei oh mboh urang njom bahrau dalam rahra, min bruk mbuan njom mbak jit tuk halei jeng lac glaong, abih di nyu nan lac dom urang tame negar suan hukum.

  Học viện Quân y brei thau vaccine Nanocovax miễn dịch jang  4-5 mbang  hadei di mbang klauk ka 2, siam mekre ka urang halan hatain. Ni lac bruk tong yaom camereip meng duh iek drah di dom urang halan hatain dalam harei  7, 14 song  21 hadei di tuk klauk jru bloh . Piah tong yaom ka bruk khang kajap song tuk vak kandong veik di  kháng thể, Nyaom roh duah hu pasang iek pren yava di urang halan hatain dalam 6 bilan tal sa thun. Tuk vak ka 2 klauk iek Nanocovax meda hadei di tuk  Tết Nguyên đán ngan song 2 mbang klauk, tui kuhria hu 560 urang hu mbaok ngan song dom tanut peih prong jang.

Jalan metro ka 1 labik kreh canak 4 Thủ Đức saong Bình Thái, hu labik gối cao su blait tabiak, dreih yau bruk dahlau di nan. Di labik bahrau, gối dầm tatua mboh yau blait tabiak truh labik, dua akaok oh tapak gauk dut saong tuk camriep. Bruk ni hu kapul ngak bruk eng drei di TPHCM duah mboh dalam tuk pasang iek  gối dầm tatua di danak dak Metro ka 1 (Bến Thành - Suối Tiên) nyu khut dahlau nan. Po buh jien tame daok pambuak saong kapul ngak bruk gam saong dom gah pambuak tal, peih bruk pasang iek abih tih gối dầm tatua di danak dak piah ngak cambaih laih makna ba tal bruk nan.

Radeih pasei nduac samar di labik ravang main Đảo Ngọc, ban Thanh Thủy, tỉnh Phú Thọ dok peih njauk parah tabiak truh jalan pasei ngak ka 3 anek saih dok angaok radeih pasei laik trun haluk. Sa kamuan metai song 2 kamuan njauk rambuac. Công an tỉnh Phú Thọ dok pacang caga pak nan piah pasang iek, duah thau makna. Labik ravang main Đảo Ngọc atah di  Hà Nội 70 km mai gah tây bắc, prong 65 ha dalam nan hu labik padeih padei song dom main sambai biak khang. Peih ngak meng thun 2013, sa thun hadei, pak ni rah tabiak bala tuk sruh đu quay nyu laik trun haluk, ngak brei  6 anek saih ba tame sang iek ruak.

Trung Quốc brei thau hu duah mboh vi rút SARS-CoV-2 di dom mẫu kem dalam ia. Nan lac 3 mẫu kem socola, dâu saong bai khoai môn di công ty pandap mbang Đại Kiều Đạo Thiên Tân. Bier harei 14/1, công ty ni brei kareih pabang. 3 janih pandap dut iek mboh dương tính pandar pandap tamo lac ia tasau blei meng negar New Zealand saong tapung ia tasau di Ukraina. Dom pandap ni jeng hu pablei tabiak darak pasa. Dahlau di nan, ban Đại Liên, tỉnh Liêu Ninh, gah Đông Bắc Trung Quốc jeng brei thau lac hu mboh mẫu kadung sa lô pandap tabiak meng Amsterdam, tapa Hàn Quốc tapa dut iek mboh dương tính haong SARS-CoV-2.

Hadei di tuk brei padeih kayua langik jhak, harei 14/1, bruk dong duah atau 62 urang metai song boh paaop jnuk ka 2 di kapan haoh Boeing 737-500 di Hãng kapan haoh Sriwijaya Air - Indonesia hu peih tabiak veik. Dahlau di nan,  nyaom njuk ia duah hu sa paaop jhuk di kapan ala mbat tasik song urak ni dok kham merat duah jamriak ghi âm dalam balik peih. Kapul pasang iek dok langyah jamriak vak dữ liệu mbang par. Tui bruk batabiak, panuac khan ka makna di bala hu khan brei thau dalam  30 harei.

Rajaei ban ine Madrid, Tây Ban Nha brei thau: tui kuhria bruk khut khat tagok tal jaik 1,4 tỷ euro hadei di ribuk tuyết khang abih kuhria meng dahlau mai di puac adit blaoh. Harei 10/1, ban ine Madrid hu tuyết laik trun tapan khang abih kuhria dalam luac 50 thun jaik ni. Labaih 150 ribau phun kayau jaleih. Rajaei brei thau meda samar drak ba tabiak paok daong 15 triệu euro piah ngak pasiam dom kan kandah di ribuk tuyết. Mblang kapar haoh Ba-ra-dát (Barajas) saong dom sang bac di Madrid njauk kareih pambang takik di nyu tal abih harei 18/1./.

Urang lang: Thu Thảo -H.Pha  15/1/2021 10:44:12

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân