Bruk main sambai hu peih ngak di puk palei hu urang bangsa takik 

  Di sang pataom mbaok ginum biai bhap bini khu phố Chăm, ban sit Lạc Tánh, huyện Tánh Linh, sap ndom biai bui klao di dom mikva, adei sa-ai mai pataom baok di “Harei roya jum pataom bangsa di puk palei” ngak ka hội trường chreih chrai tagok. Dalam dom dalikan ndom ka bruk ngak mbang, ngak huak di bhap bini Cam pak ini, ye bruk puk palei tui jalan biai di ong Thông Thương – sa halau janeng Bà Ni, ngak ka urang pang caik hatai sahneng. Ong lac, pak ini hu sa baoh sang megik, min dahlau daih dalam dom halau janeng haong gauk, hu bruk oh takre gauk, nan ye dalam luac tukvak atah (jaik 10 thun) pabah mbang sang megik oh ka hu sa mbang peih tabiak. Hadei di nan, meng hu karja palei, blaoh tal dom halau janeng dalam Hội đồng Sư cả Hồi giáo Bà-ni tỉnh Bình Thuận bhian mai jak ba, dui pataom, nan ye urak ini abih gauk hu mai jaik gauk, daok la tapen gauk.

"Mikva Cam di Tánh Linh hu sa baoh sang megik ka urang Cam Awal, tal urak ini jeng thau dhar phor Đảng, Karja hu daong abih drei tal harei ni meng hu jak jeng, meng likei tal kumei thau jum pataom gauk, hu ngui hu cuk".

Patagok labik dang di drei, dom halau janeng Cam dak harei dak hu angan je dalam raidiuk di urang Cam. Ong Thông Sơn – sa halau janeng Cam di palei Lâm Giang, xã Hàm Trí, Huyện Hàm Thuận Bắc brei thau, anak bruk likei dam menyum alak tapai blaoh peih radaih pakacah, cuh pui rah tui jalan roya 28, ngak srau kadau…dom halau janeng sang megik Lâm Giang hu padang bruk “Eng drei caga, eng drei khik”. Jaik 6 thun peih tabiak ngak, bruk ini hu ba mai siam lagaih, bruk puk palei hu siam veik, oh daok srau kadau. Ong Sơn daok brei thau lac, meng harei hu mbaok tame bruk ngak ini, ong oh hadar kanal hu abih dom mbang drei hu mbaok tame langyah bruk ngak brei srau kadau puk palei, dalam dom likei dam hu pato pahadar, klaak bruk mbang me-in piah kham merat ngak mbang, hu gam taco di ong. 

 'mBan khik iek palei ini oh lac kol dahlak pok meyaom. Adei sa-ai kol dahlak njauk ndom puac yau habar, piah tuk hu mbaok tame langyah bruk srau kadau hagait ye ndom urang pang tui, langyah brei hu siam mekre."

Lingiu di bruk “Eng drei caga, eng drei khik”, urak ini, di dom palei Cam tỉnh Bình Thuận hu padang rilo bruk, dalam nan hu mbaok di dom halau janeng yau: bruk “Halau janeng tame khik ramik siam mekre puk palei”, bruk “Camera haong pui hadah pacang caga kol co, blah”, bruk “Bhap bini khik iek siam meke puk palei”.

 Dalam tukvak tapa, meng hu Đảng, Karja sangka, bruk kinh tế - xã hội bhum bhap bini Cam tỉnh Bình Thuận hu patagok biak siam. Raidiuk, bruk ngak mbang, ngak huak di bhap bini oh padeih hu paglaong. Piah palagaih ka dom halau janeng patagok labik dang di drei dalam bruk jum pataom, ba gauk ngak siam dom sarak di Đảng, hukum di Karja saong hu bruk pachreih tui di dom janat Karja pambuak tal, Hội đồng Sư cả Hồi giáo Bà-ni haong Hội đồng Chức sắc Bà-la-môn giáo tỉnh Bình Thuận hu tabiak rai.

Ong Phan Tuấn Khanh -  Phó akaok mBan Agama tỉnh Bình Thuận brei thau, dom urang dalam 2 hội đồng nan, lac dom urang pathau khan abih drei, jak ba bhap bini, pacang cakak dom bruk ngak agama suan hukum, jak ba anek kamuan dalam but pajaih oh ngak suan hukum, ngak njauk adat palei… Lingiu di nan, dom halau janeng daok hu da-a dom urang dalam agama, akaok but pajaih, po sang pathau khan ka bruk bhap bini khik caga  an ninh Negar saong pacang caga tội phạm; pato, pahadar anek kamuan oh pataom gauk taong gauk, oh njuk, chích ma túy, oh me-in mbia…

"Dom hội đồng chức sắc ye hu UBND tỉnh công nhận saong brei adat padang di harei 31/10/2012 . Dom bruk ngak di agama hu peih tabiak saong ngak njauk adat hukum. Hội đồng chức sắc lac labik brei thau dom sarak di Đảng, hukum di Karja tal yaok urang tui agama, khik hu bruk jum pataom dalam agama, jeng yau jum pataom haong dom agama karei dalam tỉnh."

Meng hatai caong padang palei Cam dak harei dak siam mekre, kaya meda, bak hatai anit ranam gauk, dom halau janeng Cam tỉnh Bình Thuận dak harei dak kham merat pambuak haong Mặt trận saong dom pakat karja, peih ngak siam dom sarak di Đảng, pakhang hatai jia di bhap bini tame karja, daong ka urang sahanang hatai kuhria bruk ngak mbang, pala drak, jhul patagok kinh tế - xã hội di puk palei./.

Urang lang: Mousaphuong-15/11

           

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân