Rilo urang ngak padeih bruk dok khin thau meng sarak bahrau ni 

1. Salih karei thun đóng BHXH di urang ngak lac likei piah kuhria yaom jien lương hưu  :

Tui điểm a khoản 2 Paka 56 song  điểm a khoản 2 paka  74 Hukum  Bảo hiểm xã hội 2014, yaom jien lương hưu yaok bilan di urang ngak hu kuhria samu  45% yaom jien bilan đóng bảo hiểm xã hội song samu dom thun đóng bảo hiểm xã hội.

Dalam nan, meyah padeih  hưu dalam thun 2021, piah hu mbang jien lương hưu samu 45% jien bilan đóng bảo hiểm xã hội ye urang ngak lac urang likei brei đóng  bảo hiểm xã hội 19 thun (tagok  01 thun dut song thun 2020).

Njauk thau lac: Bruk salih bahrau ini oh gam hagait tal urang ngak lac kamei.

2. Salih kadha piah hu mbang jien lương hưu:

Meyah dahlau deih, urang ngak hu padeih hưu di umo 60 thun ngan song likei song  55 thun ngan song kumei, ye meng thun 2021, umo padeih hưu brei ramik veik tagok tui khoản 2 Paka  162 di  Hukum Lao động 2019. Tui nan, thun 2021, urang ngak lac likei hu padeih hưu tuk ginup  60 thun 03 bilan, urang ngak lac kamei hu peih tuk umo ginup  55 thun 04 bilan.

Tuk ginup umo yau nan song hu ginup  20 thun đóng bảo hiểm xã hội, urang ngak hu padeih song hu mbang jien lương hưu.

Njauk thau lac: Kadha vak ni tok ndom tal bruk padeih hưu di dom menuac ngak bruk bhian mboh di abih, langiu di nan dok hu dom bruk  karei karei yau: ngak bruk di labik kan kandah, trak damak, jhak ka pren yava ; ngak bruk mek dhang dalam lubang…

3. Salih tuk vak mbang jien padeih bruk tuk vak patrun urang ngak

Meng thun  2021, kadha piah hu mbang jien lương hưu jeng hu salih karei.

Tui nan, urang ngak hu ginup meng 20 thun tagok blei bảo hiểm xã hội hu mbang jien lương hưu biar jang meyah dok dalam dom bruk yau ni:

- Trun prein ngak bruk meng 61 – ala  81% song hu umo beir jang rilo di abih  05 thun duk song umo padeih hưu  (nan lac likei brei ginup  55 thun 03 bilan saong urang kamei brei ginup  50 thun 04 bilan, dahlau deih urang likei ginup  55 thun, kamei ginup 50 thun).

- Trun prein ngak bruk meng 81% tagok, hu umo bier jang  10 thun duk song umo  padeih hưu. Nan lac likei  brei ginup  50 thun 03 bilan  song kamei ginup  45 thun 04 bilan ; dahlau deih likei ginup  50 thun, kamei ginup  45 thun./.

Urang lang: Hanipha 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân