Dalam sang urang bangsa Thái Tây Bắc, jaik abih sang thei jeng brei hu gaok bar. Urang Thái iek praong gaok ban yau pandap gireik, meyah sang halei oh hu gaok nan meda ngak mbang oh hu kaya meda. Lường Hạnh, urang vak di Rayo sap ndem Viet Nam daok di Tây Bắc hu kadha vak brei thau ka bruk nan:

Gaok bar – pandap oh kurang hu di urang bangsa Thái

 

Urang Thái sahaneng lac: gaok bar lac drap ar di amaik ame brei ka anek, min nek likei meng brei gaok bar, daok anek kumei brei pandap karei. Mikva mboh lac, dalam gaok bar hu suan yawa di muk kei yau nan ye taklik thei brei nyim, piah pandar dalam sang. Langiu di nan, kayua raidiuk yaok harei bhian mbang ndiuk, pandap lahon yau nan ye dom baoh sang urang Thái tuk halei jeng hu gaok bar. Tuk anek likei tok diuk padang mbang ngui eng mikva gauk gar brei alin gaok bar. Tuk tame sang birau, gaok bar brei ka urang likei praong dalam sang teik tagok dahlau, hadei di nan meng tal ba dom pandap pandar karei tame sang. Tuk khin blei gaok bar tame sang piah pandar, mikva brei da-a ong mo atau urang thau duk đo saong thau langkan piah likau brei gaok bar gireik, urang pandar hu suai lavik, anek taco ngak mbang ginup meda. Tuk duk đo, mikva bhian pandar talei la-nung laman duk meng tangi gaok gah ini tapa gah diah, hadei di nan duk meng tok gaok tagok pabah. Njauk caik hatai, duk meng tok tagok tal pabak gaok brei glaong jang meng hu siam mekre. Duk blaoh, talei nan brei jaoh sumu tuh tangin, yaok sa tuh brei hu sa panuac likau, meyah jaoh abih tuh tal panuac likau oh siam, ye gaok bar nan oh pandar hu kayua oh lagiah saong po sang. 

Ông Lò Văn Thái daok di puk Mái, xã Mường Sại, huyện Quỳnh Nhai, tỉnh Sơn La lac: Gaok bar sang halei jeng brei hu, tuk tame sang birau po sang brei tek gaok bar tame dahlau, hadei di nan meng ba dom pandap karei, ngak sang birau daok eng sang hlei jeng brei hu oh kurang hu. Urak ini, oh hu gaok bar ye urang pandar gaok nhôm, gaok halei jeng hu. Dom urang taha yau khol dahlak brei pandar gaok bar.

Gaok bar bhian hu mikva pandar ralo piah tahaneh ndiuk, lisei, takik pandar riak pandap mbang karei. Gam saong gaok bar brei hu canaih ngak meng krem la-ar atau kayau. Canaih hu dua janih, sa janih piah laho n ndiuk ye brei ngak meng kayau; sa janih canaih hu  pak meng krem la-ar,  plah krem mek kanduh pak vin taom dar canaih hu pluh gilong piah lahon njam patam, tabung, baoh karaoh..Abih di nyu nan lac, tal harei da-a muk kei, tui saka di urang Thái 10 harei miva brei ngak lisei da-a mukei tui talei but pajaih, mikva rao thak hacih gaok bar, oh pandar ia klak dalam gaok. Tuk oh pandar ye brei piah di albik kakuh mukei.

Kayau gaok bar hu makna praong dalam ngan saong raidiuk urang Thái yau nan  ye hu mikva khik piah meng rai ini tapa raidiah, min tok anek likei meng brei pandar gaok nan. Meyah panduan ba nao daok labik karei ye gaok bar nan lac pandpr camereip njauk urang brei ba tui drei./.

Urang lang: Aí Nghiêm -16/11

 

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân