Dahlau daih, tỏi tabiak mầm hu maong lac khut saong bhian hu klaak nao. Min urak ini, dom chuyên gia y tế mboh nan lac bruk sahneng suan. Anak meta mboh lac, tỏi tabiak mầm jeng siam ka prein yava.

Tỏi tabiak mầm jeng ngak brei suai tukvak lão hóa

 

Tuk tỏi tabiak mầm lac nyu daok taha nao, oh lac khut. Kayua yau nan ye jeng daok pandar hu piah ngak pandap mbang. Tỏi tok njauk klaak nao tuk mboh hu dom tanut jhuk kayua tapa nan brei thau lac tỏi daok khut. Meda kaoh klaak labik hijao di tỏi tabiak mầm dalam tuk ngak mbang huak kayua nyu mbau khang.

Dom chuyên gia y tế brei thau tỏi tabiak mầm siam ka baoh hatai jang tỏi oh tabiak mầm. Dreih yau brah, ratak saong dom janih asar, tỏi dak taha dak hu rilo dinh dưỡng jang.

Tỏi tabiak mầm tamuh tabiak dom hóa chất thực vật, meda pacang, patrun bruk njom mbak di dom janih ung thư . Lingiu di nan, tỏi hu rilo chất pacang oxy hóa daong pacang veik dom tổn thương kayua gốc tự do.

Tỏi tabiak mầm jeng hu rilo hợp chất pacang bruk ngak di dom janih ba tal ung thư. Nyu jeng pacang caga bruk kandaong veik jeng tal lipih gam tame saong khik caga baoh hatai.

Meyah hệ miễn dịch kém atau njauk cảm lạnh, meda mbang mầm tỏi kayua nyu daong patagok bruk pacang caga ruak. Tỏi tabiak mầm 5 harei meda patagok bruk miễn dịch.

Tỏi tabiak mầm jeng ngak brei suai tukvak lão hóa, meda pacang caga bruk thoái hóa pambuak tal umo thun di di rilo cơ quan dalam rup./.

Urang lang: M.Phương -17/11

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân