Ong ba abih hatai ieu bhap bini  brei taneh ka puk palei

Urak ni, bhap bini di palei Phú Ngãi, xã Phú An Hòa, huyện Châu Thành, tỉnh Bến Tre biak bui sambai kayua dom jalan nao mai hu buh jien tabiak padang ngak siam mekre, lanieng lanoi. Dalam bui sambai ni, mikva dalam palei tuk halei jeng hadar tal bruk rik dong drap ar biak abih hatai di boh sang urang  đảng praong thun angan Đoàn Văn Hớn.

2 thun dahlau, dom jalan di palei Phú Ngãi rilo meng lac jalan haluk, sit sot, bilan hajan ye gluh baok. Tapa jak ba di pakat ủy, karja palei,  ong Hớn ginum biai song diuk anek, halan hatain alin brei labaih 800 mét vuông taneh bein piah peih prong jalan nao mai. Gam haong nan, ong dok kaoh klaak 20 phun li u dok hu boh song rik dong  6 triệu meteh piah padang ngak jalan  di palei  Phú Ngãi, xã Phú An Hòa. Abih tih drap ar sang ong  Hớn rik dong  piah ka palei ngak jalan piah peih ngak danak dak palei pala bahrau lac jiak  2 tỷ đồng. Meng hu yau nan bo urak ni palei hu jalan bê-tông atah labaih  870 mét, praong 3 mét meteh, lanieng lanoi, biak mbuan lagaih  ka bhap bini nao mai, pajeng ba pandap panda kaya nong. Hu jalan praong siam mekre, bhap bini pak ni nao tal bilai y tế xã Phú An Hòa iek ruak, klauk jru pacang ruak jeng biak mbuan, anek saih nao bac jeng biak lagaih. Bruk njauk menyai nan lac sang ong Đoàn Văn Hớn oh kaya meda hagait, nan ye bruk rik dong pandap panda kayua bhap bini yau nan biak njauk iek prong. Ong Đoàn Văn Hớn bui sambai lac:

Dahlak hulin mboh jalan gluh baok song karja tabiak bruk ngak  jalan mbak palei pala, nan ye hu ginum song diuk anek alin brei ka urang ngak jalan lanieng lanoi, anek taco nao bac hu mbuan lagaih.  Drei lac urang đảng, thau lacngak jalan hu ka mik va nao mai mbuan lagaih, nan ye alin brei taneh, biak sambai, drei jeng nao jalan nan”.     

“Urang đảng nao dahlau, puk palei nao hadei”, meng bruk brei taneh ngak jalan di sang ong Đoàn Văn Hớn, rilo urang đảng, urang dalam palei ba gauk dong pren, brei drap piah padang ngak jalan palei. Tal urak ni, dom jalan palei, jalan xã di Phú An Hòa jeng hu tuh menyek, tuh bê tông, xã ngak hu 15/19 tanut song tui kuhria hu tabiak mbaok  xã palei pala bahrau di thun tal. Ong Triệu Huy Cường, Bí thư Đảng ủy xã Phú An Hòa brei thau, ong Hồ Văn Hớn, lac sa urang đảng prong thun ba kaok nao dahlau, abih hatai ka puk palei, hu bhap bini song urang đảng anit ranam:

  “Ong Hớn biak abih hatai, biak sami samar, nao dahlau dalam bruk  padang ngak jalan nan. Drei jeng hu pok meyaom meng palei, xã bloh tagok  tal huyện. Di xã lac kreik camin, bloh hu panuac ieu pok meyaom tal pakat  huyện, tỉnh song urak ni likau Trung ương pok meyaom. Ong hớn ngak siam bruk ngak di drei”. 

Ong Hồ Văn Hớn thun ni umo 70 thun, dahlau deih lac urang jakar di  xã Phú An Hòa. Hadei di tuk padeih bruk, ong biak kham merat dalam bruk ngak mbang, pala drak, iek glang  01 ha bein li-u.Meng rai duik kan kandah, urak ni, sang ong hu tani tanat, padang hu baoh sang praong, siam. Dalam puk paga, ong tuk hlaei jeng halan hatain daong song nao dahlau dalam yaok bruk, abih di nyu nan lac kham merat dalam bruk pathau khan, jak ba bhap bini rik dong padang ngak dom danak dak kein lagaih ka puk palei, hacih saat alam môi trường, khik caga sron mbon…. Di palei Phú Ngãi, xã Phú An Hòa, urang halei jeng iek prong  song abih hatai ranam sang ong Đoàn Văn Hớn.Ong lac sa urang đảng prong thun, lac phun taha pacang halui, lac urang hu angan je,yau kreih camin brei ka urang maong tame blaoh ngak tui di  Đảng bộ xã Phú An Hòa, huyện Châu Thành, tỉnh Bến Tre, njauk pok meyaom song pambak prong./.

Urang lang: Hanipha -18/1

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân