Meng taneh prong 300 m2, pala hu siam phun hara Mỹ yamen bingi, yaok bilan saai Trần Văn Phú (umo 34 thun), dok di xã Bình Phước Xuân, H.Chợ Mới, An Giang duah hu laba labaih 10 triệu đồng. Kadha urang ngak hamu cong thau adit ni, khol drei pang yaih khan ka bruk pala hara Mỹ di urang likei rai 8x ni

Hadei di rilo thun pablei salih bingu kiểng saong pandap ngak mekre sang oh jeng, thun 2016 mboh pala phun baoh ya Mỹ ba mai kein laba glaong, sa-ai Phú nao duah blei pajaih mai pala. Patuah hu ayut sahabat tacei khan, sa-ai Phú nao tal sa labik pablei pajaih phun siam saong blei 10 phun pajaih mai pala. Meng tari tarieng duah thau, bac megru ilamu iek glang nan ye phun pala tamuh siam. Tukvak hadei di nan, sa-ai pabam labaih 200 phun pajaih saong pala di angaok taneh praong 300 met vuong dalm sang pacang sir. Pajaih phun baoh ya nan meda pala ngak mekre gam meda paik baoh ngak mứt, siro…saong yaom pablei glaong jang yaok pluh mbang dut saong baoh ya Viet Nam.

Sa-ai Phú brei thau phun phun baoh ya Mỹ glaong meng 3 tal 9 met, dhar hala praong 10 met nan ye njauk pala tah di gauk meng 3 tal 3 met meteh piah dhar hu praong tabiak, brei rilo baoh saong praong siam jang. Hadei di tuk pala labaih 8 bilan phun brei baoh, yaok sa plak dhar tabiak sa baoh oh tabiak mon baoh yau ya Viet Nam.  

 Phun baoh ya Mỹ biak mbuan pala, takik prein iek glang, tok buh khak limo kubao, manuk, hala kayau bruk…sraw haong khak vi sinh caik tapa 70 harei. Taneh hadei tuk ủ blaoh ba pala phun, pruh ia tame gha meng 3 tal 4 lít sa harei saong tui phun praong atau sit piah bo pabak ia ka nyu lagaih Abih di nyu lac, pajaih phun ini pala di dom taneh ia châu Âu brei paik baoh 1 mbang sa thun, daok di Viet Nam meyah pala dalam sang màng saong langik lagaih ye phun brei baoh luac thun.

Tui sa-ai Phú, baoh ya Mỹ tuk daok meda hu sambo hijao juk, tuk salih tapa sambo màu bhong nan nyu tathak. Baoh ya tathak nyu laman pahe, rilo ia, kanduk lapih, mbang mboh yamen, baoh hijao mbang nyu racam. Yaok adit sa-ai paik hu klau mbang, yaok mbang hu meng 3tal 5 kilo, baoh that yaom 300.000 đồng sa kilo. Thau lac hu rilo menuac khin pala, sa-ai Phú pabam pajaih pablei yaom 300.000 đồng tal labaih 1 trieu đồng sa phun tui phun praong atau sit, yaok bilan sa-ai duah hu 10 trieu đồng. Sa-ai Phú daok brei thau lac,  urang duah blei ya Mỹ kayua takre janih baoh takik mboh. Langiu di nan, ya Mỹ baoh praong, sambo màu biak mekre meta nan ye rilo urang duah blei.

  Anak tal, sa-ai Phú daok peih praong sang màng piah pala, pabam pajaih rilo jang piah pabak bruk khin blei phun pajaih di mikva daok di dom tỉnh, ban dalam negar. Gam tui nan peih labik rivang iek, pablei dom pandap meng baoh ya Mỹ di trang trại piah pachreih rilo menuac mai mbang iek./.

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân