Dom ging am kriak, alan am di Mang Thít, tỉnh Vĩnh Long hu meng yaok rituh thun, hu thau tal lac labik ngak kriak, lan bhong danei angan saong praong abih dalam bhum taneran kraong Cuu Long; Lan am Mang Thít daok hu pablei tabiak rilo negar langiu di dunya. Bhap bini bhian iew labik ini lac “Palei kriak atau ging am kriak”.

Ging am kriak Mang Thít lac sa gilang hu makna biak praong

 

Hu biak rilo kapol urang ngak bruk dalam saong langiu negar tuk mai Mang Thit thei jeng caong khin hu sa mbang hu mboh bruk ngak tabiak pandap panda jeng yau riadiuk mbang ngui daok dang di bhap bini palei ngak kriak - lan am kayua palei ngak hu rilo ilamu karei oh labik halei hu. TS.KTS Ngô Anh Đào- Lambaok kapol urang ilamu birau ngak bruk saong tỉnh Vĩnh Long piah khan ka danak dak "Di sản đương đại Mang Thít" ndom lac dom ging am kriak Mang Thit lac sa gilang hu makna biak praong oh ka hu taong yaom ginup abih.

Palei ngak daok tapen kraong Cổ Chiên, kênh Thầy Cai. Tame tal akok palei mboh dom ging am bhong meriak, ala langik hijao ngak jeng thaok binguk biak mekre. Tuk daok cak rok di dom thun 1980,  dalam palei hu labaih 1.000 labik ngak ngan saong labaih 3.000 ging. Jien buh tame ngak tuk nan daok biar  kayua pandar dhang saong kam cuh. Tui dom nghệ nhân, meng akaok abap 20, kriak Mang Thít  biak siam meng hu haluk gluh lan gam saong ilamu am cuh. Raidiuk di bhap bini palei ngak kak kajap saong yaok candaih kriak am bhong, rilo urang praong tagok, hu mbang bac tal labik tal dhua mai meng kriak, lan am. Palei ngak tuk cak rok harei halei jeng bhong apui, gaiy pajeng pandap, gaiy pajeng nguyen lieu mai saong nao pataok bak kraong. Jaik abih dom pandap di labik ini hu pajeng meng gaiy tame tabiak grauk palei, saong daok hu pablei tapa dom negar karei yau Campuchia, Hàn Quốc, Thái Lan.

  Dom pandap lan am meng gluh lan di labik ini hu Cục Sở hữu trí tuệ (Bộ Khoa học và công nghệ) brei harak angan "Gốm đỏ Vĩnh Long". Yau nan min, "palei ging am lan" gaok kan kandah meng thun 2000 kayua jien buh tame ngak glaong, urang blei pandar salih tapa pandar pandap karei. Kayua yau nan ye, urang blei kriak takik veik ralo, bruk am kriak dak harei dak lahik nao. Hu biak ralo cơ sở pabei lap, yak klak saong urak ini tok daok labaih 1.000 ging am.

  Birau ini, Sở Ilamu, padhih saong du lịch Vĩnh Long pambuak saong dom urang kiến trúc, urang tacei pato buh jien tame ngak…peih nyaom biai pathau khan ka jalan sahaneng ka Danak dak drap ar đương đại palei ging am lan huyện Mang Thít, hu mbaok di mBan Văn hóa UNESCO Việt Nam.

Gilang kaya gireik ini hu makna ralo kayua nyu hu meng labaih 100 thun, meng tuk taom gaok ialmu – kỹ nghệ hadah krah di urang Khmer, urang Kinh saong Hoa piah ngak hu drap ar kiến trúc gam haong bruk ngak meng kan biak gheih, lagaih ralo ka bruk patagok du lịch, dịch vụ. Dom chuyên gia mboh lac “palei ging am kriak” Mang Thít pataom hu ginup dom kadha piah jeng labik  inem krung bahrau pakat dunya, sa labik dulich biak pachreih urang mai tal, meda ba mai oh lac takik kein laba ka bhum palei ini saong negar drei. Min piah ngak hu bruk nan, brei hu bruk pambuak gauk di karja dom pakat, di bhap bini dalam palei saong dom urang đầu tư./.

Urang lang: Aí Nghiêm   21/3/2020

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân