Pathau mik va song tong abih gauk: Dalam bhap bini urang Chăm, yaok kapul urang, yaok halau janeng jeng hu janih khan aow karei. Yaok janih khan aow hu ndung bak sa ilamu karei.Kayua Yau nan ye bo khan aow Chăm hu biak rilo janih. Jang yau urang kamei Chăm, khan aow di urang likei Chăm lingiu di bruk ngak brei gheih mekre, daok brei mboh ilamu bangsa. Kadha vak hadei di ni di Nga Nguyễn angaok mbáo Bangsa song patagok yaih khan ka dom khan aow angui chuh di urang likei Chăm:

#Tanyiak me-om akaok di urng likei  Chăm rilo meng lac  khan. Urang likei  bình dân bhian pandar khan menyim trơn meng tanyikah patih song urang likei  quí tộc ye me-om khan hu menyim bingu la thaot boh trám sambo patih pacing sre tagok mbaok tanyiak . Langiu di khan me-om akaok, urang likei Chăm dok hu khan  bak gar bara , kadung sit tuan di bara song kadung caik pakao jnuk  .

 

# Khan me-om di urang likei Chăm hu quấn vòng tagok akaok meng gah likuh tabiak gah anak, bloh lauk  2 akaok khan veik, caik tua khan trun  jiak 2 gah tanye. Ngan song urang likei ranaih umo ye oh me-om khan bo tok bak khan gar tapa bara. Urak ni ,bruk me-om khan meng kan tok mboh di urang likei prong thun, dok urang ranaih ye tuak nduan, tok me-om khan dalam dom harei rija prong, ndam likhah caga .

 

# Aow meng kan di urang likei Chăm lac aow katut  (ao lah). Aow hu jhik meng 6 blah tanyiak song gauk: rup ao gah likuk hu 2 blah tanyiak oh gam gauk, bloh jhik gam tame gauk ngak jeng sa jalan viền rah tui kaeing rong, di gah anak rup ao hu 2 blah tanyah pagam veik; 2 tangin ao hu jhik gam tame labik pa-ak song labik bara. Aow katut tuk cuk nyu atah tal taok,  blah 2 gah  labaih  20 cm. Gah anak ao hu jalan xẻ, pagam khuy song 2 gah vạt anak hu  2 kadung. Takuai aow bhian lac takuai sit, gul tapak, kua tame takuai. Aow bhian hu rilo sambo, lac:, patih, meriak, hajao, katam, min oh hu bingu ala.

# Aow di urang likei  Chăm dok hu sa janih aow karei ieu lac “aw tah”.. Aow hu menyim meng tanyiak sambo patih, hu jhik pagam meng rilo blah tanyiak.Aow tah oh blah rup gah anak, oh hu  bingu ao bo tok blah sa jalan gar anak cada, pandar talei kak salih ka bingu ao. Aow cuk glaoh akaok (aw loah) song atah tal akaok ta-uk. Aow ni, urak ni oh hu cuk rilo bo tok hu cuk dalam dom harei rija roya  .

( Nhạc cắt)

 

# Pathau mik va! Tui ilamu meng kan dahlau, tong abih urang Chăm, likei,  kamei jeng cuk khan (sarông, khan). Khan di urang likei Chăm hu rilo janih. Khan di urang likei bình dân hu menyim meng tanyiak sambo patih song oh hu bingu la. Dok urang likei quí tộc cuk  khan jeng sambo patih min menyim meng  tơ, hu bingu la boh trám pacang sre mbaok khan. Khan hu 2 janih: janih khan meng sa blah tanyah oh jhik pagam veik, tuk cuk cạp khan hu dak song lauk tame gah dalam piah khik eo ka-ing; Janih  khan hu jhik veik jeng hình ống tròn.

 

# Langiu di bruk cuk khan, urang likei Chăm dok kak talei kaeing, janih talei kak kaeing meng tanyiak hu tasi praong 10 - 25 cm, atah  180 - 250 cm. Talei kaeing bhian hu 3 janih : Janih  thường lac talei kak ka eing  trơn menyim meng tanyiak  (cotton) sambo patih  oh hu bingu la, janih talei kak kaeing ni hu tasi sit, bhian pandar ka urang likei bình dân. Janih talei kaeing menyim meng tơ merai, hu pet rilo bingu la bak sambo màu hadah, hu tasi prong yau janih bingu boh trám, bingu meta menuk, bingu langơ ...bhian pandar ka urang quí tộc.  Janih talei kak kaeing hu tasi prong  labaih 10 cm, hu menyim 2 mbaok bingu la ndaong tagok. Bingu la bhian hu ngak jeng sa talei rilo thaot pablak gauk song sambo màu hadah yau  bingu boh trám, bingu takai saw, bingu langơ... Janih talei kaeing ni hu pndar ka patao song  halu janeng. Talei kaeing  di urang Chăm hu quấn sa vòng tapa kaeing bloh kak dui veik, plaih 2 akaok talei  hu  tua tabiak gah nak.

 

# Urang likei Chăm bhian cuk baoh krah gul, mbaok karah hu pagam sa asar jhuk song vil val hu pacang meng bingu 8 sayaok bo urang  Chăm ieu lac baoh krah Mưta. Krah  Mưta jeng piah brei thau lac bangsa Chăm. Kayua yau nan ye, tuk urang Chăm metai nao, langiu di khan aow, urang dok ba tui boh karah  Mưta. Urang pandar boh karah Mưta piah peih ngak adat prong dalam ndam metai palao suan ka urang metai nao lot daih 

# Khan aow Chăm lingiu di bruk cuk mekre, nyu daok kak kajap haong adat cambat, agama, dom bruk  pakauk saong dom bruk oh brei ngak./.

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân