Uranaih bangsa takik hu main dalam bilan hè 

Ủy ban Bangsa birau peih bruk pasang iek brei tapa bộ phim meda brei chiếu di Nyaom roya pakat negar Dom bangsa takik Việt Nam mbang ka II thun 2020. Ngan saong kadha “Sa halau gha haong gauk”, bộ phim  atah labaih 40 minit brei mboh cambaic laic dom bruk rik daong biak ralo di bol bhap dom bangsa takik luac sajarah; rik daong ngak hu rilo jayak praong di taneh ia; dom bruk oh sahneng hagait tal rup drei di bhap bini piah mek hu babat bangsa saong yasa taneh ia…Bộ phim “Sa halau gha haong gauk” jeng brei mboh dom bruk halan tian rik daong di bhap bini bangsa takik dalam bruk salih birau taneh ia ngan saong rilo urang yau kareih camin di dom gah dalm raidiuk; rik tame brei mboh cambaih jalan sahaneng di Ho Chi Minh lac: “ Bhap bini Kinh atau Thổ, Mường atau Mán, Gia Rai atau Ê Đê, Xê Đăng atau Ba Na saong dom bangsa takik karei, thei jeng lac anek taco Việt Nam, lac adei sa-ai sa hatian. Khol drei diuk metai hu gauk, kaya meda rambap rambeip hu gauk, trei atau eik jeng daong ka gauk”.

Dalam dom bruk di “labik ndom biai pambuak gauk patagok  du lịch ban  Hà Nội, ban raya  Hồ Chí Minh song bhum  Kinh tế prong gah kreih negar”, harei 27-11, Sở ilamu  Thể thao song  Du lịch Quảng Nam song  Hiệp hội Du lịch Quảng Nam peih pakak “Labik pambuak doanh nghiệp du lịch 2020” piah jhul patagok, padang labik pambuak gauk  di dom  gah ngak mbang du lịch di gah kreih negar  song 2 akaok di taneh ia. “Labik pambuak doanh nghiệp du lịch 2020” pataom hu labaih  30 doanh nghiệp du lịch prong di dom  tỉnh Thừa Thiên Huế, Quảng Nam, Quảng Ngãi, Bình Định song ban  Đà Nẵng yaih khan pandap du lịch tal dom gah pambuak bruk  meng ban  Hà Nội song ban raya Hồ Chí Minh. Dom pandap hu batabiak mbang ni hu rilo janih pabak hu tanut pandap hajao, khang kajap dalam dom bruk padeih padei, rivang main, palei ngak, main sambai  giải trí…

Meng thun 2015 mbiah tal bilan 7 thun 2016 di huyện Hóc Môn- TPHCM  hu 1.386 hồ sơ brei salih bruk pandar taneh ngak nong tapa  taneh daok  oh njauk tui bruk ba tabiak di karja, ngan saong dom hồ sơ hu taneh praong labaih 500 m2. Ini lac panuac di ong Trần Đình Trữ, Phó Chánh thanh tra TPHCM brei thau di var hop mbao harei 27/11. Dalam 1.386 mbang brei salih bruk pandar taneh yau ngak nan, hu 527 urang brei neh rabha taneh, pablei ka 1086 urang, hu 64 mbang neh rabha jeng rilo taneh piah pablei, hu 634 mbang urang padang harak pandar taneh di gilang pariak saong urak ini daok 429 mbang urang daok padang harak pandar taneh. Ong Trần Đình Trữ brei thau bruk ngak nan di UB bhap bini huyện Hóc Môn ngak suan hukum karja ka taneh riya ba tal bruk khat lahik trak

Nghệ sĩ nhiếp ảnh (NSNA) Nguyễn Sơn Tùng mek hu giải Xuất sắc dalam mbang pakacah thaot binguk dunya Orhan Holding, hu peih tabiak di  Thổ Nhĩ Kỳ ngan song kadha  "Nước mắt đại ngàn" thaot taha  Y Ba (di Buôn Jun, ban sit  Liên Sơn, huyện Lăk, tỉnh Đăk Lăk) dok sah rapeik drei lamen dok sre ia meta. Thaot binguk ngan song kadha  “Yaok urang tok hu sa boh hatai. Boh hatai siam di abih lac baoh hatai hu klah rabha hatai ranam rilo di abih” hu jeng sa dalam  11 kadha gheih di abih dalam mbang pakacah . Nguyễn Sơn Tùng jeng lac tác giả Việt Nam mek hu giải ni dalam thun ni . NSNA Nguyễn Sơn Tùng ndih tapui thun 1974, dok di  Lạng Sơn, saai bhian nao grauk labik dalam negar song cong khin thaot hu dom blah thaot gheih ka bhap bini bangsa takik dok di  Tây Bắc song Tây Nguyên.

Danak buh jien tame ngak jamriak hlang ia menyum di dom sang bac dalam tỉnh Sóc Trăng hu peih ngak meng thun 2019. Mbiah tal ini, dalam  tỉnh hu buh jien tame ngak saong ba tame pandar jamriak hlang ia menyum ka 235 dalam 478 sang bac di karja, sumu labaih 50% bruk ba tabiak. Jamriah hlang ia menyum hu peih ngak di dom sang bac lac jamraih saman birau, blei tapak meng Hàn Quốc mai, hu Mentri Khoa học saong Công nghệ dut iek ka ilamu, asar di nyu dahlau di tuk ba tame pandar, pabak hu bruk ba tabiak di danak dak brei pabak ia menyum hacih ka anek saih. Jamriah nan daong hlang klak dom jru mek dalam halau ia. Meng nan, daong ka dom adei pacang caga ruak kik saong mbuan njom mbak jit ruak, rik daong pabak ia menyum di dom bhum njom ia mbak dalam tỉnh.

Kadung jien uranaih  Liên hợp quốc (UNICEF) brei thau, meda jao jiak 2 tỷ mbang vắc-xin pacang  Covid-19 ka dom negar dok patagok dalam thun anak tal. Pathau khan di kadung jien uranaih  Liên hợp quốc brei thau, jabat ni dok pambuak bruk  song 350 hãng kapan haoh song dom hãng pajeng ba di dunya  piah meda pajeng  dom  vắc-xin ni song  sa  tỷ ống klauk tal dom negar kan kathaot yau  Bu-run-đi, Áp-ga-ni-xtan và Yê-men. Ni lac sa binah dalam bruk parabha  vắc-xin pacang  Covid-19 di jalan taom gaok dunya Vắc-xin Covid-19 (COVAX). Ni lac bruk blei tame  song pabak  vắc-xin prong abih song rah tabiak samar abih di dunya kuhria meng dahlau mai 

Piah pacang caga Covid-19, Thị trưởng Mát-xcơ-va- Sergei Sobyanin brei kadun tukvak eng drei daok pa-atah ngan saong  urang taha umo meng 65 thun tagok saong dom urang mboh lac mbuan njom mbak glaong tal tuk abih mbang padeih Thun birau, nan tal harei 15 /1/2021. Dom urang njom mbak tagok rilo di liên bang Nga kuhria meng bilan 9 min urang ngak praong oh khin brei pacang cakak abih bo tok brei pacang di dom labik njom mbak rilo. Thị trưởng Sô-bi-a-nin brei thau, takik abih lac 30% urang ngak bruk di dom công ty dalam ban ine brei ngak bruk di sang tal harei 15/1. Mát-xcơ-va, ban hu  12,5 triệu bahp bini, yaok harei  hu yaok ribau  urang njom mbak birau.

Boarini Milanesi – sa angan pablei salih pakat glong di Italy hu tabiak mbaok boh kadung pal tangin chit jien abih di dunya,hu yaom tal 7 triệu USD.Hãng Boarini Milanesi brei thau lac brei ngak 3 boh kadung hu yaom “angaok langik”hu angan Parva Mea ni. Yaok boh kadung ngak dalam 1.000 tuk meng ngak salah hu.Kadung Parva Mea hu ngak meng klik baya,pabak tame nan lac10 drei cim kadit hu ngak meng meh patih,hu 4 drei pagam intan,3 drei pagam ngọc bích song patau siam.Boarini Milanesi hu buh tabiak  950.000 USD meng dom boh kadung pablei hu piah rik dong ka bruk  pacang hareik thải nhựa angaok tasik. /.

Urang lang: Hanipha- Ái Nghiêm -28/11

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân