Mik va dok dalam ia nao mai kan kandah 

Pasak kuhria mboh dahlau bruk langik tasik negar brei thau,  dom harei ini, ia di gah angaok kraong Cửu Long trun suai damuai tui ia ndih. Tui kuhria mboh dahlau, ia meda tagok dalam dom harei anak tal; mbiah tal harei 2-11, ia glong di abih dalam harei pak Tân Châu, tỉnh An Giang lac 2,80m; di Châu Đốc 2,70m… Hajan khang dom harei tapa ngak ka labaih 1.790 baoh sang di dom xã dalam huyen bhum atah bayah Vĩnh Thuận, Kiên Giang dauk dalam ia, 49 sang bac ia tame dauk saong yaok ribau ha hamu padai metai…Ini lac mbang akok meti rilo baoh sang bhap bini labik ini ia dauk yau nan.

Kuhria tal puac bilan 10, tanut ka bruk ngak công (IIP) di TPHCM meda trun 4,9% duk saong vaktu ni thun 2019 . Makna brei thau lac kayua jit Covid-19 dui atah, ngak kan kandah tal bruk ngak di doanh nghiệp. Piah daong ka doanh nghiệp pasiam bruk ngak, Sở Công thương TPHCM meda peih dom mbang pachrieh bruk blei pandar di bilan tabung glaong pablei salih dalam tuk vak Tết Nguyên đán. Dalam nan, brei adat pandar tapa tanut glaong abih ka yaom pandap panda, dịch vụ pandar piah pachreih urang blei.

UB bhap bini tỉnh Đồng Nai brei thau, brei mek veik 7 danak dak di Cụm công nghiệp (CCN) lan am Tân Hạnh (TP Biên Hòa). Cụm công nghiệp lan am Tân Hạnh hu taneh praong 55 ha, jien buh tame padang ngak hạ tầng 240 tỷ đồng piah panduan ba dom labik ngak lan am tabiak truh Ban Biên Hòa. Tapa pasang iek, hu 7 danak dak ngak oh njauk bruk, pablei salih taneh, suai buh jien tame ngak. UB bhap bini tỉnh Đồng Nai caong khin Sở Công thương pasang iek veik quy chế di Cụm công nghiệp lan am Tân Hạnh, brei ba dom labik, doanh nghiep ngak lan tame CCN dahlau saong iew dom jabat chức năng pasang iek, ramik pasiam, pabak veik quy chế CCN ka nyu lagaih piah khik iekm bruk ngak hu lagaih.

UBNDTPHCM bahrau brei ngak danak dak patagok bruk pajeng tuai công cộng pambuak haong pasang iek nduac radaih cơ giới, urang duac radaih di dalam ban raya. Piah peih ngak danak dak ni, tui kuhria tukvak sa meng thun 2020 tal thun 2025, ban raya caong hu labaih 91.260 tỷ đồng saong tukvak 2 meng thun 2026 tal thun 2030 caong hu labaih 300.384 tỷ đồng meng dom kadung jien gilang pariak kanja, kadung ODA saong kadung xã hội hoá. Dalam nan, TP.HCM brei thau bruk brei masre meng gilang pariak sarak kanja lac dang akaok. Gam tui di nan, TP.HCM jeng peih bruk pasang iek bruk pandar radaih patuh di menuac urang  tapa bruk pambuak gauk siam lagaih, hu ilamo saong dom jalan gah hành chính saong kinh tế.

Pachreih tui bruk pasiam veik rija roya di bhap bini dom bangsa takik, Sở Văn hóa - Thể thao tỉnh Quảng Ninh birau peih Harei pataom ilamu bangsa Sán Chỉ di xã Đại Dực, huyện Tiên Yên. Harei pataom lac tuk piah pok meyaom bruk tari tarieng, hadah krah saong pato pakai ilamu di muk kei, jum pataom dalam bhap bini, khik ramik saong patagok ilamu siam ghieh karei di bhap bini Sán Chỉ. Dalam dom bruk peih ngak lễ hội tal abih bilan 10 ini, hu dom janih padhih the thao meng kan hu peih pakacah yau: taong quay, paneh siuk, bang meta taong gaok, mek ada, glam baoh còn…

Gah Y tế dunya (WHO) brei thau daok kuhria jalan padang ngak kadung jien biyar piah daong ka dom negar kathaot meyah gaok ruak karei meng vắc-xin Covid-19, piah langyah dom suh sah di rilo negar ka bruk salamat di vắc-xin gngak kan tal bruk klauk jru Covid-19 di dunya. Meda hu labaih 92 negar tagok bier hu brei daok dalam angan biyar jien dalam bruk gaok dom ruak karei kayua bruk klauk jru vắc-xin pacang caga Covid-19.

Mentri Y tế, Lao động saong Phúc lợi Nhật Bản birau brei tapa bruk caong khin bayar ka 269 urang gaok bala dalam mbang apui khuah sang mac hạt nhân Fukisima thun 2011. Dom panuac caong khin bayar hu ba tabiak dalam tukvak meng bilan 3 thun 2011 mbiah tal harei 01 bilan 10 thun ini hu taduan, dalam nan hu 6 urang ngak kong ruak ung thư saong bạch cầu kayua njom phóng xạ. Meng mbang 2 bala haong gauk di sang mac hạt nhân Phu-ku-si-ma, dom bruk di labik nan rilo meng brei padeih kayua phóng xạ ngak jhak tal alam moi truong. Yau nan min, urak jeng daok labaih 4 ribau urang ngak bruk dalam bhum nan.

    Hàn Quốc ndem lac oh duah mboh talei pambuak pambuak bruk tapak halei di vắc-xin pacang caga cúm mùa  haong dom urang metai kayua bruk klauk jru jaik di ni.Gah y tế jeng ieu kakei bhap bini hu mbaok tame bruk klauk jru oh mek jien ginup dahlau tuk jit cúm tamuh tabiak di bilan laar anak tal. Taphia di nan, gah y tế Hàn Quốc jeng hu peih bruk tui iek y tế  ngan saong labaih 1.500 urang hu dom ruak karei hadei di tuk klauk jru caga yau ye: patuh atau pandiak./.

Urang lang: Thu Thảo- Ái Nghiêm -31/10 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân