Bác sĩ Nguyễn Tường Thy, Khoa Tai Mũi Họng, Sang iek ruak Nhi đồng 2 brei thau, harei 21/10 meng blaoh, hu sa uranaih hu ba tame cấp cứu kayua laka di labik khí quản atah 0,2 cm. Sang iek ruak brei peih báo động tanut bhong meriak, ba kamuan nan tame duk blaic raih dalam 5 minit kuhria meng tuk tame sang iek ruak. Dom bác sĩ samar taong yaom laka huan di takoi, nội soi khí quản, mboh khí quản tahak. Kamuan hu caik nội khí quản tapa labik tahak. Hadei di nan, dom bác sĩ  blaic raih saong jhik pagam veik khí quản saong ngak pasiam veik dom laka. Tui bác sĩ Thy, ini lac bala biak takik mboh saong biak mbuan metai tuk laka dalam khí quản. Uranaih ini meda metai glo akaok meyah gar jalan suak yawa saong oh pabak hu oxy tagok glo akaok hadei di dom minit. Patuah laka tok tahak meneing di khí quản, oh gaok tal rak darah praong saong hu ba tame iek ruak samar, hu langyah siam meng tuk camereip. Kamuan prein yawa samar siam gilac hadei di tuk blaic raih.

Bác sĩ Thy brei thau kamuan glaong sumu cambuai asaw yau nan ye dom laka asaw kaik njauk di takoi oh di tangin atau takai yau manauc praong. Dom labik kaik nan biak nguy hiểm, meda njom mbak dom anek ruak, virus meruai, abih di nyu lac meda ba tal metai meyah laka kaik njauk rak darah labik akaok, takoi.

Dalam raidiuk, dom athur bo ayut duah thau cambaic laic, min jeng oh thau hu dahlau bruk bala nguy hiem hagait meda rah tabiak. Asaw meda iek uranaih yau sa ayut dalam kapol di nyu. Nyu biak sahanak ngan saong dom uranaih bo nyu lac dreih ayut nyu jang po sang.  

Bác sĩ kakei urang amaik ame njauk brei takik raong asaw tuk hu anek sit dalam sang, meyah hu ye juai caik uranaih main sa drei eng saong asaw bo oh hu thei tui iek. Tuk raong asaw brei klauk ginup jru caga ruak, pacang pabah asaw tuk brei tabiak gah langiu, ikak asaw tuk oh hu thei tui iek. Brei thau cambaih lac abih urang dalam sang hu rao tangin hacih sa-at hadei di tuk gaok athur raong. Plaih njiak dom bruk jua lua khang ngak pandik tuk ma-in saong athur raong dalam sang piah caga uranaih gaok saluak atau nyu kaik./.

Urang lang: Aí Nghiêm - 5/11/2020

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân