Rilo labik dok di Đa Nang njauk paatah di gauk 

Tui tacei pato di dom jabat  y tế, tuk brei dok karei di sang, di labik gam dok, urang nan brei ngak tui dom bruk yau ni:

Dok di sang song oh nao tabiak gah langiu dalam luac tuk brei dok karei di sang. Meyah ngak suan, urang nan njauk ba tame labik paatah di gauk.

Tuk dok di sang, brei dok dalam balik ta-eng lanieng lanoi. Meyah oh hu balik ta-eng, brei khik atah 2 mét ngan song khaghe ndih di dom urang karei dalam sang, takik taom gaok urang karei dalam sang. Tuk taom gaok brei cuk patiah pacang mbaok song khik atah di gauk  2 mét.

-   Bhian rao tangin meng ia song sabon atau  ia jru pametai anek ruak di tangin.

-   Oh mbang menyum hong dom urang karei dalam sang. Pandar karei dom pandap mbang menyum .

-  Eng drei pataom mek patiah pacang mbaok, khan baar uak idhung cambuai pandar bloh tame sa kadung caik hareik karei piah dalam balik brei dok karei.

Langiu di nan, urang dok karei di sang brei tui iek pren yava yaok harei, tui jalan ngak lac:

-   Dut iek nhiệt độ 2 mbang yaok harei piah thau pandiak halei oh. Pandiak lac tuk nhiệt độ rup pabhap glong jang atau samu  37,5 độ C.

-   Tui iek duah thau dom triệu chứng: patuk, kan suak yava.

-  Khan brei urang jakar y tế thau tuk mboh hu 1 dalam dom triệu chứng nan.

-   Lingiu di nan, yaok harei, menuac di bilai y tế meda taom gaok urang brei dok karei  2 mbang sa harei, dalam nan hu takik di abih  1 mbang mai taom gaok di sang piah thau ka pren yava . 

-  Meyah hu bruk hagait ka pren yava, urang brei dok karei njuak ieu menuac di gah y tế tapa laik phone hu pabak piah hu dong  .

-  Menuac dok hong urang brei dok karei di sang, labik gam dok njauk caik hatai tal dom kadha yau ini:    

-   Takik taom gaok urang hu brei dok karei. Tuk taom gaok brei cuk patiah pacang mbaok song daok atah di gauk  2 mét.

Lingiu di nan, piah pacang caga jit  Covid-19, bhap bini oh peih ngak bruk hagait pataom rilo menuac di sang song di labik gam dok. Khan brei menuac di y tế thau chip tuk urang dok karei mboh pandiak, patuk, kan suah yava./.

Urang lang: Hanipha -6/8

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân