Urang Pu Péo tok hu 600 menuac saong daok khik adat ngak yang Po glai hu taduan lac drap ar ilamu phi vật thể. Adat cambat nan birau hu padang ngak veik di jala pandiak harei 23 bilan 11 di Palei Ilamu Du lich dom bangsa Viet Nam dalam Adit “Prong jum pataom dom bangsa - Drap ar ilamu Việt Nam” thun 2019, pachreih hu bruk sangka di rilo menuac. Kadha “Dom bangsa Viet Nam” harei ini, da-a mikva saong grauk ayut pang yaih khan ka adat ngak yang glai di urang Pu Péo:

Adat ngak yang glai di urang bangsa Pu Péo

 

Urang Pu Péo daok di dom xã Phố Là, huyện Đồng Văn, Sủng Tráng saong Phú Lũng, huyện Yên Minh di  tỉnh Hà Giang. Adat ngak yang glai pambuak pagam saong tanarakun di urang Pu Péo, piah brei mboh hatai thau dhar phol po langik po taneh riya, dom po yang saong muk kei daong ka mikva puk palei hu salamat. Di harei nagk yang, urang kumei saong urang likei angui cuk khan ao birau di abih.

Dahlau di harei ngak yang, dom urang likei tame glai palih ruah labik, jah  phun buac hareik piah hu mblang taneh saoh. Ngak mejam meng krem piah parang pandap tagok saong dak ngak hla patei atau hla dong ala taneh piah da-a yang.

Urang Pu Péo sahaneng lac yaok labik taneh glai, yaok tabung ceik, yaok puk palei jeng hu 1 po yang khik iek. Po yang di glai lac ginreih di abih. Pluh dua but pajaih  Pu Péo jeng ngak yang glai. Urang likei parabha lisei, baoh manuk ada di dua kapan kakuh piah da-a dom po yang.

Adat Da-a yang glai oh lac hu makna gah jaln sahaneng bo daok brei mboh bruk ngak, labik dang di bhap bini kak kajap haong alam dunya. Adat ngak yang dui atah jaik 2 tuk. Dua drei manuk saong sa drei pabe hu take gam saong ralo đạo cụ hu caga bloh. 30 binah lisei baoh manuk ada, alak hu parabha ginup ka dua salao. 62 po yang 4 canah 8 gah hu da-a mai piah taduan drei pabe nao glang saong tui iek chroang daong mikva palei pala prein yawa khang kajap, sang danaok siam mekre, athur oh hu jit ruak; cim brim, takuh juai mbang palai padai,tangei…

Adat ngak Yang glai brei mboh hatai jia di anek manuac saong langik tasik, glai glo, taneh riya jeng yau sap janih ngaok dunya, sahaneng pamaong tal halau gha, hadar tal muk kei hu tui iek, tui daong ka anek taco. Hadei di da-a yang ye bruk me-in sambai rah tabiak luac harei. Dom bruk ilamu di urang Pu Péo ndung bak bruk jum pataom gauk glaong yau taong cù, main khăng, đu quay, taong cầu bilau manuk, glam baoh kapah./. 

Urang lang: Ái Nghiêm – 7/12

                                            

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân