Adat to yaom gom atau raok gom oh lac sa adat cambat tanarakum bo dok lac ilamu gheih mekre lavik rai di urang Low daok di Sóc Trăng tal urak ni jeng daok hu khik veik song patagok. Bruk to yaom gom lồng, langiu di bruk ba bui sambai ka dom harei rija roya, ba chreih chrai, jum pataom dalam bhap bini, dok hu makna ngak pahla, daong ngak brei kajap jang bruk daong gauk, jum pataom gauk di 3 bangsa Kinh, Khmer, Hoa. Kadha : Dom bangsa adei saai harei ni, khol drei pang kadha vak di Nguyễn Phong yaih khan ka adat to yaom gom di Sóc Trăng:

Yaok gom long hu pasang iek ka urang mai blei to yaom 

Tuk lễ Nguyên tiêu (ia bulan bak baoh bilan sa) yaok thun, urang Low bhain tal baha kakuh Phật, yang mebhang song hu mbaok tame to yaom gom lồng padang kadung jien ngak pahla. Pok jien to yaom hu pandar tame bruk  ngak pahla yau dong urang kan kathaot, uranaih metui medar, ngak tatua, ngak jalan nao mai, padang sang anit ranam. Di  Sóc Trăng, bruk ni rah tabiak di dom baha di urang Low.

Gom lồng hu mong lac pandap ba mai patuah jamo ka urang halei ngak pô nyu, urang Low  hu ilamu ngak gom  lồng biak mekre. Gom lồng hu ba nao to yaom bhian lac gom kéo quân. Gom hu hình lục giác atau bát giác, taom dar lac camin hu cih bingu la biak gheih, hu pambuak pagam gauk tapa dom blah ghép đồng trục, ngak jeng khối hộp. Dom akaok bhian hu ngak meng katak, ngak jeng akaok inegirai. Tuk truac hadah, meng pandiak di gom dom thaot binguk gah dalam nyu hadah tagok angaok mbaok gom dreih yau  rối bóng song  payeng nao gam gam tui sa gah. Dom gom  lồng hu to yaom  bhian hu 9 boh  song boh puac di abih lac prong di abih, dok ieu lac gom hạng nhất. Yaok boh gom jeng hu pagam sa  panuac tadhau yuh yau : “Hợp gia bình an”, “Sanh ý hưng long”, “Tài nguyên quản tấn”, “Kim ngọc mãn đường”, “Vạn sự như ý”... Langiu di nan, angan baha song angan uran janeh to yaom gom hu vak tagok blah ba ar pagam ala gom lồng.

Piah peih mbang to yaom, mban khik iek baha hu khan brei thau cambaih ka harei, tukvak piah menuac sia mai mong iek song hu mbaok tame to yaom gom. Tal tuk to yaom, urang lambaok Mban khik iek baha yaih khan ka bruk ngak, makna song jalan to yaom gom. Yaok janih gom hu puac angan tagok, ba tabiak yaom camereip di abih song peih bruk to yaom mbiah tal tuk oh dok urang halei bayar yaom glong jang, boh gom nan hu urang bayar yaom glong di abih ngak po.  Hu tuk yaom ba tabiak tui camereip lac 500 ribau đồng min hu to yaom tagok tal dom pluh triệu đồng. Tui nan mbiah tal tuk  boh gom puac di abih  hu to yaom bloh.

  Urang Low sahaneng lac blei hu boh gom dalam mbang to yaom lac hadah mbaok meta ka drei, ka sang drei song ba mai patuah jamo, siam mekre, salamat, ngak mbang kaya meda dalam thun bahrau. Taphia di nan, ni jeng lac tuk piah jum pataom, piah ieu pataom gauk khik ramik song patagok ilamu siam mekre, adat cambat lavik rai di urang Low, rik dong padang kadung jien  ka dom bruk ngak pahla, rik dong song karja palei  dong ka dom boh sang sarak karja song boh sang kan kathaot dalam palei./.

Urang lang: Hanipha- 7/3 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân