Bhum taneran kraong Cuu Long lac bhum ngak nong praong, hu 4 dalam 7 janih pandap rik daong 1 tỷ USD tame xuất khẩu di taneh ia. Min dom doanh nghiệp di bhum taneh ini rilo meng lac sit saong mbiah, bruk mesriay phun jien piah peih praong bruk ngak mbang tukvak tapa gaok rilo kan kandah, rilo doanh nghiệp duah ginup jalan piah mesraiy phun jien min oh hu. Dalam tuk gah gilang pariak karja lac phun jien pabak ka dom doanh nghiệp piah jhul khang bruk ngak mbang lac oh kurang. Yau nan, halei lac makna ba tal dom kan kandah dalam bruk mesraiy hu phun jien.

Doanh nghiep khin hu mesre phun jien piah ngak

 

Rilo thun ngak mbang pablei salih padai brah, jien mek tame thun 2018 jaik 2.000 tỷ đồng, Công ty Cổ phần xuất nhập khẩu Ngọc Quang Phát di Cần Thơ daok pablei tapa dom taneh ia Châu Âu, Châu Mỹ, Nhật Bản saong Hàn Quốc. Piah pabak hatai caong di gah blei, Cty oh padeih salih bahrau mẫu mã, chất lượng pandap, buh jien blei dây chuyền sản xuất bahrau, padang sang mac bahrau saong patagok bhum nguyên liệu. Min hadei di rilo thun duah abih jalan piah mesraiy jien di dom gilang pariak min oh ka mesraiy hu phun jien piah ngak dự án bahrau. Amuk Huỳnh Thị Bích Huyền, Yam ndoc Công ty brei thau: “Doanh nghiệp biak caong hu jien piah bayar ka urang ngak nong, padai brah blei mai drei ngak veik bloh pablei tabiak negar lingiu ye jien mai biak suai damuai. Bruk pablei brah tabiak negar lingiu brei hu phun jien biak praong piah daong ka Cong ty ngak bruk hu khang kajap, suai lavik, kol dahlak biak caong hu phun jien.”

Tui Hiệp hội Doanh nghiệp trẻ Việt Nam, kapul ini hu labaih 10 ribau urang hội, dom doanh nghiệp mbiah saong sit hu rik daong praong ka GDP di taneh ia. Min rilo doanh nghiệp jeng oh ka mesraiy hu phun jien di gilang pariak. Makna lac kayua dom doanh nghiệp oh pabak hu bruk brei mesraiy di gilang pariak, yau ye drap ar piah padang, jalan ngak mbang oh mbuan ngak hu.

Ong Nguyễn Thanh Việt, urang dalam Đoàn Chủ tịch Hội Doanh nhân trẻ Việt Nam khan lac, gah gilang pariak tuk halei jeng paglaong sahneng kuhria piah khik klajap bruk mek veik hu phun jien. Piah ka doanh nghiệp mesraiy hu phun jien, brei slih bahrau thủ tục hành chính, paglaong bruk pasang iek taong yaom dự án di urang jakar gilang pariak saong brei thau daong gauk klah rabha rủi ro, brei hu hatai jia tame gauk piah dui ka nyu katut panak veik bruk daok atah di gauk di gilang pariak haong doanh nghiệp. Ong khan lac: “Tuk ini kol drei njauk nao sa jalan haong gauk di gilang pariak haong doanh nghiệp, dom doanh nghiệp brei hu jalan ngak mbang min meda kurang cơ sở pháp lý saong dom langyah ka bruk jien padai. Gah gilang pariak njauk daong, njauk tame dalam tal yaok doanh nghiệp tapa hội doanh nhân trẻ saong dom tỉnh ban piah tacei pato urang saong brei hu jalan ngak bahrau lagaih jang ka bruk brei mesraiy.”

Dom doanh nghiệp bhum taneran kraong Cuu Long hu rilo jalan piah mesraiy hu phun jien meyah pabak ginup dom kadha yau: brei mboh hu prein ngak mbang saong phun jien đối ứng, brei mboh cambaih jalan ngak saong bruk meda ngak hu di dự án jaik ngak, cambaih laih gah jien padai saong hu jalan bayar sraiy, hu jalan ngak tuk gaok khat lahik, hu prein pacang caga meyah rah tabiak dom kan kandah gah kinh tế vĩ mô…Nan lac sa dalam dom chỉ tiêu tài chính “cứng” bo gah gilang pariak pacap brei ngak piah brei điểm saong xếp hạng tín dụng dahlau di tuk brei mesraiy. Daok bruk mesraiy tín chấp, oh cang hu dap ar thế chấp jeng hu bloh sarak piah ngak. Ong Nguyễn Quốc Hùng, akaok Vụ tín dụng dom gah kinh tế, gilang pariak Karja Việt Nam brei thau: “ Hukum tổ chức tín dụng brei mesraiy hu drap ar padang atau oh hu drap ar padang lac kayau gah  tín dụng saong doanh nghiệp ginum biai haong gauk, meyah doanh nghiệp ngak mbang hu laba, khik hu angan je, jia tame hu ye bruk taong yaom drap ar piah padang hu hadom lac kayua gilang pariak hoang doanh nghiệp biai gauk. Bruk ka dua lac drap ar padang tok lac piah khik kajap ka yaom jien brei mesraiy, bruk ngak mbang brei hu kein laba saong 2 gah brei jia tame gauk piah bruk brei mesraiy nan hu siam mekre.”

Piah hu dom sarak mbuan lagaih, samar drah ba phun jien mai ka dom doanh nghiệp, gah Gilang pariak njauk hu jalan tacei pato gah jien padai ka nyu mbuan, lagaih, paglaong bruk duah thau hatai caong mesraiy phun jien di doanh nghiệp saong di bhap bini. Tapa nan, meda tani tanat kinh tế vĩ mô, pasang iek hu lạm phát piah tani tanat tỷ giá saong yaom jien jhung brei mesraiy. Lingiu di nan, njauk pasiam dom sarak, adat hukum piah daong ka dom tổ chức tín dụng, dom gilang pariak hu jalan piah brei mesraiy, piah samar ba phun jien tal dom doanh nghiệp bhum ĐBSCL, tuk nan ngak jeng prein khang piah hu rilo jang dom janih pandap hu mbaok tame xuất khẩu tỷ USD di bhum./.

Urang lang: Aí Nghiêm-08/11

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân