Padang sang rong cim dhul 

Van ro raong cim dhul mek khak hu urang nong di huyện Phụng Hiệp, tỉnh Hậu Giang ngak biak mbuan mbiah. Van raong janih cim dhul mbang jamaok mek khak praong jaik 60m2, glaong meng 8-10m, tabung tauk tôn. Gah ala tabung van ro raong cim dhul tuan jaik 1.000 hala tanot. Hala tanot hu pambuak pagam veik jeng candaih piah ngak labik ka cim dhul daok.

Jien buh tabiak ngak sa van ro raong cim dhul oh ka tal  30 triệu đồng. Van ro raong cim dhul meyah ngak njauk ilamu meda pandar hu rilo thun. Daok  hala tanot, urang raong mek khak yaok 6 bilan meda hu salih sa mbang, ngan haong yaom jien 13.000 đồng sa hala. 

Ong Nguyễn Văn Chót, urang hu jaik 10 thun raong cim dhul mek khak, daok di xã Bình Thành, huyện Phụng Hiệp (tỉnh Hậu Giang) brei thau: Cim dhul raong mek khak nan lac janih cim dhul mbang jamaok. Janih cim dhul ini bhian mbang dom janih côn trùng angaok mblang hamu, nan ye khak di nyu biak siam ka phun pala....".

Urak ini, 2 van ro cim dhul di sang ong Nguyễn Văn Chót, xã Bình Thành, huyện Phụng Hiệp, tỉnh Hậu Giang yaok harei mek hu labaih 2 jak khak cim dhul. Khak cim dhul hadei di tuk ong Chót pataom mek hu ye urang pablei salih tame tame tal sang duah blei yaom 300.000 đồng/sa jak. Kuhria rah tapa 1 thun sang ong laba hu labaih 70 triệu đồng meng bruk raong cim dhul, pablei khak cim dhul./.

Urang lang: Jasi -9/12 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân