Peih radeih ka njauk brei ka drei 

Jiak di ni, bruk radaih ginuh biak trak ngak brei sa urang metai song  2 urang njauk rambuac  kayua ong Nguyễn Văn Điều – dahlau deih ngak Trưởng Ban Nội chính Tỉnh ủy Thái Bình peih radaih  hu menuac urang caik hatai sangka. Hadei di tuk ginuh urang blaoh, ong Điều daok peih radeih nao labaih  3 km, tal tuk radeih ginuh  tame  sa pambah mbang pasei meng padeih veik. Công an ban Thái Bình hu tabiak bruk  khởi tố  bị can song oh brei nao tabiak truh labik dok ngan haong ong Điều kayua ngak suan hukum tuk peih radeih angaok jalan.

Tui Luật sư Hoàng Trọng Giáp, akaok Công ty Luật Hoàng Sa, Hà Nội urang peih radaih ba tal bala bloh nduac klaak, caik ka urang njauk bala angaok jalan meda njauk langyah hành chính atau hình sự iek tui bruk. Tui nan, khoản 8 paka 5 sarak  100/2019/NĐ-CP, tong phạt meng 16 triệu tal 18 triệu đồng urang peih radaih ba tal bala blaoh oh padeih veik, oh khik tamo labik bala, nduac dauk oh mai khan ka jabat  hu thẩm quyền thau, oh tame dong ba urang njauk bala nao cấp cứu. 

Langiu di nan, urang ba tal bala jeng meda njauk  langyah  hình sự tui paka 260 di Bộ luật hình sự 2017 pasiam veik. Tui nan, bruk peih radeih ngak brei metai menuac blaoh hadei di nan nduac klaak, njaik bruk ngak suan di drei nan lac duas biak trak. Meyah pasang iek mboh biak yau nan, urang nan meda njauk guk rilo di abih lac 10 thun.

Meyah urang ba tal bala bloh nduac klaak , hadei di sa tuk vak kanut mai  tabiak mbaok ye meda mong lac sa bruk piah patrun hajual  tui  khoản 2 paka  51 Bộ luật hình sự urak ni .

Anak meta mboh lac , hu biak rilo urang peih radeih nduac klaak hadei di tuk ba tal bala. Maong tui hatai sahneng, ni lac kayua biak huac tuk gaok bruk trak damak lingiu hatai sahneng di drei.Dok maong tui gah adat hukum, lac kayua urang nan biak huac, khin nyaik bruk ngak suan hukum di drei. Min, yaom lac makna hagait, bruk nduac tabiak truh labik bala lac suan hukum, iek tui bruk urang peih radeih meda njauk truy cứu trách nhiệm hình sự./.

Urang lang: Hanipha- 9/6

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân