Tukvak tapa, dom jit ruak yau sởi tamuh khang bo makna lac rilo uranaih oh ka hu klauk jru pacang caga. Bruk klauk jru nan hu yaom biak praong dalam bruk pacang caga rilo janih ruak nguy hiểm. Dalam kadha “Hukum Negar saong rai diuk” harei ini, khaol dahlak hu khan brei thau ka dom asal kadha njauk caik hatai di Thông tư 34/2018/TT-BYT di Mentri Y tế tacei pato ka bruk klauk jru hu ba tabiak ngak tui meng harei 01/01/2019.

     

Khám pilih ruah dahlau di klauk jru ngan haong uranaih tui njauk adat di Mnetri Y tế; dalam nan hu dom bruk ngak yau ala ini:

1.  Mong iek taong abih rup pabhap, taong yaom pren yava urak ini ngan haong urang prong.

2. Sua tangi saong cih vak thông tin di urang klauk jru ka dom ruak kik dahlau daih, ka dị ứng, ka bruk klauk jru dahlau diah.

3. Tư vấn ka urang klauk jru, ame, amaik, urang giám hộ di ranaih ka tác dụng, ka kein laba di bruk pandar vắc xin saong langyah dom phản ứng meda gaok hadei di klauk jru.

4. Khan brei ka urang klauk jru, ame, amaik, urang giám hộ di ranaih ka tác dụng, liều lượng, jalan pandar dom janih vắc xin hu klauk tame dahlau di yaok mbang klauk jru.

#  Peih bruk klauk jru:

- Pasang iek vắc xin, dung môi saong pandap klauk, jrum klauk dahlau di tuk pandar;

  - Brei ka urang klauk jru atau amaik ame, urang giám hộ di ranaih mong iek kalaok vắc xin dahlau di tuk klauk tame;

- Peih bruk klauk jru njauk manuac njauk urang, njauk vắc xin, njauk liều, njauk jalan ngak, njauk tukvak.

  # Jeng tui tacei pato di Thông tư ini, hadei di tuk klauk jru, uranaih njauk hu tui mong tui iek takik abih 30 minit di labik klauk jru saong tui iek takik abih 24 tuk di sang ka bruk mbang, ndih saong dom biểu hiện ka jalan suak yava, tamuh ban, triệu chứng di labik klauak jru. Meyah mboh hagait karei njauk khan brei urang urang jaka y tế thau chip.

# Abih di nyu nan lac, meyah uranaih hu dom biểu hiện hadei di ini njauk ba uranaih nao tal sang iek ruak chip atau di dom labik y tế karei: pandiak glaong labaih 39 độ, handaoh, uranaih hia priew, hia dui atah, mum takik, kan suak yava, tím tái, tamuh ban saong dom biểu hiện bất thường karei…

      

 

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân