Hukum An ninh mạng (ANM) hu ba tame pandar meng harei 1-1-2019 hadei di tuk hu Quốc hội brei tapa di mbang nyaom ka 5, Quốc hội khóa XIV. Hukum ANM tuk ba tame pandar daok caong lac xử lý hu bruk rilo manuac urang, kapul nyaom lợi dụng mạng piah ndom puac kanjah jhak, ba tabiak dom bruk oh njauk, oh biak, ngak oh siam tal thuần phong, mỹ tục Việt Nam. Kadha “hukum negar saong rai diuk” adit ini, khaol dahlak likau khan dom bruk njauk pakuac oh brei ngak angaok mạng hu brei thau dalam paka 8 hukum ANM:

# Meng 7 chương, 43 paka, hukum brei thau ka bruk pacang khik an ninh taneh aia, khik kajap trật tự, an toàn xã hội angaok mạng; trách nhiệm di jabat, kapul nyaom, manuac urang pambuak pagam tal.

# Paka 8 Hukum ANM brei thau 6 janih bruk ngak njauk pakauc oh brei ngak angaok  mạng.

# Kasa, pandar mạng, công nghệ thông tin…gaok tal an ninh taneh aia, srau kadau palei negar; dom bruk ngak cagar veik Karja CHXHCN Việt Nam; ndom biai oh njauk ka sajarah, xúc phạm agama, phân biệt bangsa; pacuh pajarak ba tal bạo loạn, ngak srau dhau  trật tự công cộng; brei thau oh njauk, oh biak, ngak pamalau urang karei, vu khống; xâm phạm trật tự khik iek kinh tế, bruk ngak mại dâm, tệ nạn xã hội, pablei salih manuac saong pacuh pajarak, katung dui urang karei phạm tội.

# Kadhua, peih bruk chiến tranh mạng, tấn công mạng, khủng bố mạng, gián điệp mạng, tội phạm mạng; ngak brei khut, lih tame, meblah quyền điều khiển, ngak ka nyu suan, klaih klaoh, padeih nduac, atau phá hoại hệ thống brei thau praong gah an ninh taneh ia.

# Ka klau, ngak tabiak, pandar pandap, phần mềm atau hu bruk ngak piah pacang, ngak srau dhau tal bruk ngak di mạng máy tính, mạng viễn thông; pambak prong danak dak tin học ngak khut bruk ngak di mạng máy tính, mạng viễn thông, phương tiện điện tử; xâm nhập suan adat tame mạng máy tính, mạng viễn thông atau phương tiện điện tử di urang karei.

# Ka pak, pacang veik bruk ngak di gah pacang khik an ninh mạng; tấn công, vô hiệu hóa suan adat hukum ngak lahik bruk pacang khik an ninh mạng.

# Ka lime, lợi dụng atau lạm dụng bruk pacang khik an ninh mạng piah xâm phạm chủ quyền, lợi ích, an ninh palei negar, trật tự, an toàn xã hội, quyền saong lợi ích njauk adat hukum di kapul nyaom, manuac urang atau piah duah kein laba ka rup drei eng.

# ka nam, bruk ngak karei pandar mạng xâm phạm an ninh taneh aia, trật tự, an toàn xã hội, quyền saong lợi ích njauk adat hukum di kapul nyaom, manuac urang atau ngak suan quy định di hukum ini.

# Gam haong nan, Paka 16 di hukum jeng brei thau ka bruk pacang caga, xử lý thông tin angaok mạng hu asal kadha cagar veik  Karja CHXHCN Việt Nam; pacuh pajarak ngak srau dhau an ninh, ngak srau dhau tal trật tự công cộng; ngak pamalau urang karei; xâm phạm trật tự khik iek kinh tế. Ini lac dom asal kadha oh brei ba tagok angaok mạng./. 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân