Pathau mikva, di dom tỉnh gah Barak saong Bắc Trung bộ, abih tih pabui njauk ruak jit tả Châu Phi saong ba nao am cuh klaak tagok tal labaih 4.300 drei, trak abih tih lac labaih 297 tấn. Meyah kuhria yaom jien daong samu 80% yaom pablei di darak pasar ye yaom jien daong ka mikva lac jaik 32.000 đồng/kg saong biar jang yaom daong klaak tal 6.000 đồng/kg pabui hơi. Rilo urang mboh duh hatai ka yaom jien daong ini. Kadha “Hukum Negar saong rai diuk” harei ini, khaol dahlak likau langyah cambaih laih jang ka sarak daong ka urang nong hu pabui metau saong pabui njauk jit tả Châu Phi:

 

 

   Tui sarak klaak hu ba tabiak di Nghị định 02/2017/NĐ-CP di Raja-ei ka jalan ngak, sarak daong bruk ngak nong piah pasiam veik labik njauk bala, jit ruak ye yaok drei pabui metai kayua jit tả pabui châu Phi saong jit ruak karei, haei di tuk am cuh klaak meda hu karja daong yaom 38.000 đồng/kg pabui hơi. Yau nan min, urak ini mikva urang nong, dom po raong pabui jeng daok duh hatai kayua tui sarak daong, bahrau hu Thủ tướng tacei pato ye yaom jien daong ka drei pabui metai kayua jit tả pabui samu 80% yaom pablei di darak pasar, bruk ini meda ngak ka urang raong glang njauk khat lahik dut haong yaom jien ba tabiak nan lac 38.000 đồng/kg. 

   Tui dom po raong pabui, meng hadei di tuk hu jit tả pabui châu Phi, tal harei ini yaom pabui di rilo puk palei trun khang, meng 51.000 - 53.000 đồng/kg pabui hơi trun daok 45.000 đồng/kg di tukvak urak ini. Saong tui pasang siek di harei 5-3, rilo labik yaom pabui trun daok 39.000 - 40.000 đồng/kg. Yau nan, meyah kuhria yaom jien daong samu 80% yaom darak pasar ye yaom jien daong biak di nyu brei ka mikva lac jaik 32.000 đồng/kg, biar jang yaom jien daong klak tal 6.000 đồng/kg pabui hơi. 

Yau nan min, tuk ndom tal bruk ini, Thứ trưởng Mentri ngak nong saong patagok palei pala Phùng Đức Tiến brei thau, bhap bani njauk thau cambaih laih nan lac Karja daong oh njauk lac bayar jien đền bù ngan haong pabui njauk jit saong ba am cuh klaak. 80% nan lac yaom jien daong takik di abih tui tacei pato di Thủ tướng, daok yaom jien daong biak di nyu daok pambak tame yaok puk palei. Tui nan Thứ trưởng Phùng Đức Tiến brei thau, pagap yau bal Hải Phòng hu ba tabiak yaom jien doang am cuh pabui menek, pabui tano pajaih njaom mbak jit tagok jaik 2 mbang ye dalam harak ba tagok Ra-jaei, mentri Ngak nong saong patagok palei pala hu panuac likau patagok yaom jien daong meng 1,5 – 2 mbang./.

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân