Ayut Hồ Sên daok di huyện Dầu Tiếng tỉnh Bình Dương hu payua tal danak dak panuac sua tangi: Urak ini dahlak daok duah thau sa urang kamei dalam palei. Tui gia phả, amuk pajeng amaik dahlak haong amuk pajeng amaik urang kamei nan – bo khoal dahlak ieu lac amuk akaok, nan lac dua adei sa-ai hatian. Manuac urang dalam sang lac oh brei khin guak kayua lac guak gar dalam sang. Yau nan tui adat hukum, khaol dahlak tok guak hu halei oh? Kadha Hukum Negar saong rai diuk adit ini, khaol dahlak likau javap jaleiy yau ini:

       

Khoản 2 paka 5 Hukum Hôn nhân saong gia đình thun 2014 pakuak bruk kết hôn di dom urang yau ini:

- Di dom urang hu sa ralaow darah haong guak.

- Di dom urang hu but pajaih dalam  klau rai.

- Di ame amaik raong haong anek raong.

- Di urang dahlau daih lac ame, amaik raong haong anek raong, ame di pasang haong anek metau, amaik di diuk saong metau likei, ame hamam haong anek di diuk, amaik hamam haong anek di pasang.

Yau nan, adat hukum oh brei khin gauk di dom urang hu gam ralaow darah haong gauk, hu talei but pajaih dalam klau rai.

Meyah hu but pajaih min langiu klau rai jeng hu adat brei khin guak.

Tui khoản 18 paka 3 Hukum Hôn nhân saong gia đình, dom urang hu but pajaih dalam klau rai lac dom urang hu gam sa pajaih menek tabiak, amaik ame  lac rai ka sa; adei sa-ai sa amaik ame, gam sa ame karei amaik, gam sa maik karei ame  nan lac rai ka dua; adei sa-ai anek cei, anek wa lac rai ka klau.

Kayua yau nan ye, amuk akaok dua ayut lac rai ka sa, ong amuk lac rai ka dua, amaik ame nan lac rai ka klau saong tal dua ayut lac rai ka pak. Kayua yau nan ye yaom lac hu talei but pajaih haong guak min dua ayut jeng meda khin guak hu bo oh suan adat hukum.

Lingiu di nan, njauk thau lac, tuk likhah, urang likei brei ginup meng 20 thun tagok, urang kumei ginup meng 18 thun tagok, saong bruk khin guak nan, mai meng 2 urang halan hatian, oh gah halei njauk kateik greik./.

 

Urang lang: Jasi

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân