Vaktu jaik ni hu rilo po tai khoan lahik jien padai dalam thẻ ATM. Kol bleik nyu bhian palih ruah harei padeih atau tuk malam sup, tuk manuac oh caik hatai, abih di nyu lac di labik ATM takik hu manuac khik piah ngak. Pandap klaik thong tin the Atm dalam dom giay hu angan ieu lac Skimming daok ngak ka gah gilang paraik duh hatai.

Dom janih pandap pandar piah suak klaik jien meng thể ATM 

Bhian di nyu, tuk po tài khoản njauk mek jien, bhian hu tin nhắn payua tal phone tangin. Di tuk melam sup atau harei padieh ngak, mayah po tài khoản oh caik hatai tal phone tangin mada oh thau. Daoh gah gilang priak ye harei padeih manuac ngak takik, mayah hu pathau kha jeng lahik rilo vaktu paih langyah. Skimming hu caik padauk di ATM saong urang halei mai suak mek jien jeng njauk klaik mek khau tin thẻ, mã PIN bo oh thau.

Ong Đàm Hồng Tiến- Giám đốc gah pablei salih gilang praik VietinBank brei thau: vaktu jaik ni rahtabiak rilo bruk kol bleik ngak skimming (mablah mek khau tin, ngak thẻ ja saong mek jien oh njauk hukum) di dom ATM dom glang priak.

Paih khik kajap tài khoản giao dịch di tui damaui, patrun patakik dom khat lahik jien padai, abih di nyu lac dalam tuk padeih le, ong Hồng Tiến brei thau: VietinBank hu pacang gilac dom labik, ATM mbuan rahtabiak skimming glaong. Tui nan, VietinBank ngak hu pasiam thẻ ka dom damuai mbuan gaok bala. Paih pacang dom khat lahik meda rahtabiak tuk pandar thẻ, VietinBank jeng hu kakei tui damaui pandar thẻ salamat, pacang tangin tuk nhập mật khẩu di ATM, tut angan pandar dịch vụ bảo hiểm rủi ro thẻ...

Gah chuyên gia gilang pariak brei thau: Skimming langiu di bruk hu caik di dom ATM nyu daoh hu mboh di dom máy quẹt thẻ di labik pablei pandap (POS). Meng bruk ngak dreih yau nan, thẻ di manuac sia samar njauk kol bleik sao chep hadei di tuk ba tapa POS. Saong bruk nhập mã PIN di tui damaui jeng njauk mek hu gilac veik.

Paih plaik jeng manuac njauk bala di skimming, tui damaui njauk caik hatai tuk giao dịch tapa thẻ: njauk maong iek akaok thẻ, bàn phím di ATM atau POS iek nyu hu xộc xệch, hu băng katauh atau mbaoh hu rami ramik veik halei oh, pasang iek tuk mbaoh hu hagaik karei , pagap yau hu mbaoh sa chấm jhuk sit di jamaraik, sa kadung caik jaik kayua mada lac camera; abih di nyu lac giao dịch di ATM hu rilo manuac pandar saong oh var pacang tangin tuk nhập mã PIN./.

Urang lang: Đàng Thảo - 24/12

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân