Hadang takai mbong 

Dom danao raong hadang thẻ hu meng lavik mai dalam labik roh duah hu padang ngak saong pasiam veik hu danao halang aia, danao raong hadang, danao xử lý aia neriak. Dom urang roh duah daok pasang iek veik saong pandar dom jamriak peih dalam danao raong piah pandar takik năng lượng saong khik hu oxy brei ka hadang, tui jalan thiết kế, mek pagam saong peih pandar kadhik aia ka nyu laghaih; pandar hộp giảm tốc saong baoh gilun piah abih takik điện năng.

Danao halang aia palao ikan rô phi meng 1 - 2 drei/m2 piah raong tảo Chlorella, piah pabak tảo hu kein saong lac pandap mbang dalam vaktu akaok mereip raong. Khik iek saong pasang mong pandap mbang ngan haong khẩu phần brei mbang ka nyu laghaih patrun biak takik bruk abih rilo pandap mbang. Aia neriak dalam danao raong hadang meng bruk salih aia hu ba tapa danao pasiam veik aia neriak hu palao ikan rô phi, piah xử lý ô nhiễm hữu cơ dahlau di tuk tathuak tabiak gah langiu atau pandar gilac ka dom mbang raong hadei di nan.

Hadang thẻ takai mbong hu palao dalam danao haluk meng 80 - 90 drei  1 m2 di dua nyaom ngak iek. Tukvak raong dui atah meng 2 - 3 bilan. Tapa langyah taong yaom bruk raong hadang thẻ, dalam dom bruk ngak ba tal tabiak khí nhà kính ye tukvak ngak pandap mbang hu labik dang praong saong lac bruk rik daong glaong di abih, patui di nan lac vaktu pandar danao raong. Bruk labaih janih dinh dưỡng glaong abih dalam tuk pandar di labik raong hadang. Meng dom jalan ngak dalam tuk pandar danao raong hu rik daong patrun bruk labaih dinh dưỡng dut haong jalan raong meng kan mai nan lac 43,66 saong 47,13%.

Tapa ngak iek jalan patrun khí nhà kính dalam bruk raong hadang thẻ takai mbong di Bhum taneran kraong  Cửu Long brei mboh: dalam dom bruk ngak brei tabiak khí nhà kính ye vaktu ngak tabiak pandap mbang rik daong glaong abih, patui di nan lac vaktu pandar danao raong. Dalam nan bruk ngak ilamu tame vaktu pandar danao raong ngak brei patrun bruk labaih dinh dưỡng, dut haong jalan raong meng kan.

Piah pandar takik điện, menyek dalam tuk raong hadang ye njauk pasang iek veik bruk mek pagam hệ thống kadhik aia; pandar hộp giảm tốc saong baoh gilun pandar takik điện; pasiam veik bruk mong iek piah peih kadhik aia ka nyu laghaih. Piah abih takik nhiên liệu dalam tuk raong ye bruk pandar năng lượng aia harei lac bruk njauk ngak saong ba mai rilo kein laghaih. Daok patrun bruk labaih dinh dưỡng ye jalan ngak meda peih ngak hu saong laghaih haong dom mblang raong hadang urak ini, nan lac  salih tapa dom hệ thống tuần hoàn khép kín piah pacang cakak dom bruk labaih dinh dưỡng tuk xả thải./.

Urang lang: jasi-12/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân