Cập nhật ngày: 17/7/2014

Tame bilan hè langik bhian pandiak pa-uh, độ ẩm glaong lagaih ka dom janih ruak langiu kalik tamuh tagok. Ruak langiu kalik takik ngak metai menuac min bhian ngak brei katal, lika laneh angaok kalik, ngak kan kandah tal pren yava saong hatung hatian urang ruak.

 

Ruak viêm kalik, viêm nang lông kayua vi khuẩn

Bhian gaok nan lac dom viêm kalik kayua tụ cầu, liên cầu yau viêm nang lông, ruak patuh baoh aia... Ruak bhian mboh nan lac dom baoh aia, nyu praong dom milimet tal dom centimet, vil val hu quầng kalik bhong, pandik harao saong ngak ka rup pabhap mboh pandiak rilo atau takik tui ruak trak atau njuan. Điều trị ngan haong ruak njuan tok pandar jru luk yau ia jru sambo pametai anek ruak yau: castellani, milian, limek kháng sinh yau fucidin, bactroban, fusidic acid... Meyah trak meda menyum jru kháng sinh. Dom janih kháng sinh bhian pandar nan lac  nyaom cephalosporin thế hệ I, II, oxacillin, cloxacillin...

 

Ruak tuyến aia hauk

Bilan hè pandiak pa-uh, aia hauk tabiak ralo mbuan ba tal viêm tuyến aia hauk, abih di nyu nan lac ranaih sit bhian tagok baoh aia, bhong kalik di labik hu ralo tuyến aia hauk yau ka-ing, tadha, dhei, takoi. Urang njauk ruak bhian mboh katal, abih di nyu nan lac tuk langik pandiak, tabiak aia hauk. Điều trị viêm tuyến aia hauk meda pandar kem hu asal pacang ruak saong corticoid njuan yau fucidin H luk harei 1 tal 2 mbang, menei ka ranaih meng dom dung dịch menei brei ranaih yau lactacid, cetaphil... cuk ao capha mát, laneng lanoi, mbuan njaom aia hauk meng tanyiak cotton daong ka kalik thu lahei.

 

Njaom bimao pak kalik

Kalik mbuan ndom dom janih nấm sợi, abih di nyu lac tuk tabiak aia hauk ralo, cuk khan ao tathah. Njaom bimao kalik bhian gaok nan lac ruak lang ben, bimao di palah takai, bimao di taok di dua plah pha. Ruak lang ben bhian tamuh tabiak kayau bimao malassezia furfur ngak ka mbok kalik salih sambo màu mbong, hồng, nâu... angaok hu kakah sit di angaok mbaok, takoi, ka-ing, tadha, palak tangin... saong katal gaok tuk mai tabiak aia hauk. Bimao palah takai bhian gaok tuk langik hajan, takai gaok aia ralo, palah takai bhong, janal, sraiy aia, biak katal. Bimao di taok, di dua plah pha bhian ngak bhong kalik, katal rilo. Điều trị nấm pandar jru bak rup saong jru luk di labik katal. Jru menyum pacang bimao hu dom janih yau: itraconazole, ketoconazole, fluconazol, griseofulvin... jru luk hu dom janih yau ketoconazol, terbinafine, miconazol...

 

Viêm kalik dị ứng

Bilan hè bhian hu viêm kalik kayua côn trùng atau viêm kalik dị ứng kayua côn trùng kaik. Tuk njauk viêm kalik kayua gaok côn trùng, kalik bhian bhong, katal, hadei di nan meda hu baoh aia, mun laneh sit di labik kalik taom gaok. Điều trị viêm kalik kayua gaok côn trùng bhian pandar dom janih kem pambuak haong corticoid saong dom kháng sinh yau  fucidin H, flucicort. Tuk njauk côn trùng kaik, kalik nyu bhong, barah saong katal. Điều trị meng jru kem, limek corticoid njuan yau hydrocortisone, betamethasone. Langiu dom janih viêm kalik di angaok nan, daok hu viêm kalik dị ứng thực vật – aia harei, makna di nyu kayua gaok dom janih thực vật hadei di nan nyu phơi nhiễm haong aia harei ngak jeng phản ứng kalik, tuk camereip mboh nyu bhong, katal hadei di tuk gaok hareik hareim, hadei di nan kalik nyu sẫm màu saong sạm kalik. Điều trị tuk akaok mereip bhian pandar jru ngak li-an kalik saong kem corticoid njuan, hadei di nan pambuak haong kem pacang pandiak./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân