Cập nhật ngày: 8/1/2015

Bilan brak, nhiệt độ trun samar, langik tuk pandiak, tuk hajan, độ ẩm dalam không khí glaong ngak oh siam tal pren yava anek menuac. Dom ruak yau cảm lạnh, katal tarakaong, pandik dung, camboh talang, aih caraoh, ruak tim mạch… lac dom janih ruak bhian gaok dalam bilan brak.

 

Cảm lạnh lac janih ruak bhian mboh di abih dalam bilan brak. Ruak bhian ngak ka urang mboh pandik tarakong, sraiy ia dung, kan suak yava, patuk, pandiak…, cảm lạnh meyah oh hu iek ruak chip, meda ngak ka urang ruak mboh glaih glar  saong ba tal dom biến chứng jhak ka pren yava. Dalam bilan brak thei jeng meda njauk cảm lạnh, dalam nan, urang taha saong uranaih mbuan njauk cảm lạnh jang.

Dom jalan ngak biak mbuan piah pasiam ruak cảm lạnh di đông y:

Kuah ngin: Menyek pandiak atau laya that. Jalan ngak: luk menyek brei nyu njok dua gah talang lasuk meng takuai trun, bloh pandar chung atau đồng xu ngak meng kim loại kuah labik nan meng angaok trun. Daok laya that ye rao hacih, sok kalik, aik mek ia uak tagok dua gah talang lasuk bloh pandar kat sak mbiah tal tuk rup pandiak tagok. Pandar khan uak hacih kat laya.

 Xom: hala palang, hala krem, hala kruoc bung, hala cúc tần, hala kinh giới, hala ngải cứu, yaok janih sa tambuak sit (dom janih hala ini jeng hu tinh dầu hăng pandiak). Jalan ngak: rao hacih dom janih hala, tuh tame gok ia gum sre saong raik pandiak dalam 5 tal 10 minit. Urang ruak daok la angaok geiy, gum sa blah phui lipih tapa akaok saong gok ia xom barau riak pandiak piah khik hu pandiak. Peih tuk gok sit sit brei sauk par tabiak. Dalam tuk xom brei suak yava biak dalam piah sauk pandiak hu nao tal jalan hô hấp. Ia hauk nyu tabiak meng angaok trun ala. Padeih xom tuk mboh dalam rup nyu hanjul, oh daok cảm giác huac li-ar, huac ngin. Hadei di nan mek khan uak hacih ia hauk, plaih khan ao thu saong padeih padai.

Bu giải cảm: bu ralo atau bu baoh menuk baoh ada, pabak tame hasit hala tía tô, lasun, kinh giới, laya that mbang tuk daok pandiak. Dom janih hala angaok nan jeng hu tinh dầu kayua yau nan ye tuk mbang brei hit sauk pandiak par tagok meng jaluk bu dak ralo dak siam, kayua jaluk bu jeng hu tác dụng yau gok xom.

Urang njauk cảm lạnh bhian abih hadei di 7 tal 10 harei. Min dalam tukvak nan rup pabhap patrun pren pacang caga ruak nan ye meda njuak bội nhiễm thứ phát ngak brei viêm xoang, viêm tange (bhian mboh di uranaih), viêm tarakong, viêm phổi kayua vi khuẩn

Piah khik caga pren yava plaih njauk cảm lạnh, yaok urang brei caik hatai sangka khik ấm rup pabhap, khik ấm labik takuai, labik ka-ing; pabak ia ka rup pabhap (meng 1,5 – 2,5 lít ia yaok harei); khik ka var mbang ginup chất dinh dưỡng; khik hacih sa-at rup pabhap yaok harei, oh mek tangin pal cambuai, dung, meta… Dalam dom harei li-ar, nhiệt độ biar, brei daok dalam duk ấm. Meyah hu bruk tabiak langiu brei cuk ao ấm, cuk harum tangin, khẩu trang piah khik ka rup pabhap oh njauk li-ar. Dom ong muk taha dahlau di tuk tame ndih brei menyum sa cavan ia pandiak hu hasit laya, tuk khin tabiak langiu mblang bein atau tabiak gah lingiu tuk melam, atau tuk mesup peih pabah mbang tabiak nao gah langiu kol drei njauk caga ngin yuk tame, brei dang plaih hagah, brei rup randap saong bruk salih nhiệt độ, brei khik ấm rup pabhap, abih di nyu nan lac tarakong saong cada./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân