Cập nhật ngày: 5/10/2019

Gam saong sap ndem, akhar vak, haroh cih, khan ao ngui cuk lac sa dalam dom kadha praong akok meti piah thau lac bangsa ini saong bangsa karei. Khan ao ngui cuh meng kan oh lac ndung bak ilamu, bo daok ndung bak dom yaom glaong nghe thuat, yaom glaong sajarah di yaok bangsa. Khan ao di urang kumei bangsa Mông tuk halei jeng hu bingu la hadah tanyak. Piah ngak hu jeng blah khan ao piah ngui cuk ye abih biak rilo tukvak saong prein yawa. Bruk naih gheih di urang kumei Mông nan lac urang meda ngak tabiak dom blah khan ao di bangsa drei meng dua plak tangin ghieh ngak.

 Blah khan ao di urang bangsa Mông hu siuk me-om akok, siuk len hu menyim meng tangin, khan, ao yếm hu pet meng tangin. Khan ao hu pagam dom baoh njuk biak gheih biak mekre meta. Meng bruk tani tanat dalam tuk jhik pet nan ye urak ini, yaom lac hu jhik mac salih ka jhik tangin ye piah ngak hu blah khan ao di urang kumei bangsa Mông jeng abih biak ralo tukvak. Eng bruk jhik pagam langiu blah khan ao di urang kumei bangsa Mông jeng abih meng 2tal 3 harei, daok bruk pet pagam tame lac abih 2 adit. Khan ao halei pet rilo bingu la jeng ngak tal sa bilan meng bloh.

 Blah khan di urang kumei bangsa Mông oh lac piah ngui, piah pacang rup pabhap bo ngak brei gheih mekre. Khan hu jhik pet biak gheih yau brei mboh bruk ghieh tangin ngak di urang kumei Mông. Bruk gheih mekre di blah khan lac ilamu kak kajap saong raidiuk yaok harei saong daok ngak brei mekre meta.

 

Khan ao ngui cuh di urang kumei bangsa Mông

 

  Dom bingula angaok khan ao di urang bangsa Mông bhian hu sambo mau hadah. Nan lac bruk pambuak gauk di dom sambo màu hadah, biak gheih biak karei. Oh iek trak gah cih thaot, bingula angaok khan ao di urang bangsa Mông lac bruk pambuak gauk di dom sambo màu, brei mboh bruk jhik pet atau dom bingula angaok khan ao di urang Mông biak gheih biak karei duk saong dom bangsa karei.

Ndem ka gah ilamu, mỹ thuật dalam dom bruk menyim khan bai saong ngak jeng bingula angaok khan bai atau dom pandap ngak meng khan bai, urang Mông thau ba rilo kỹ năng, kỹ xảo tame bruk menyim, jhik pet saong cih thaot bingula tagok khan bai. Yaok sa jalan jeng hu ilamu karei di nyu bo urang thau dom siam gheih piah pablak tame gauk, hu jeng pandap khan bai menyim  biak gheih.

 Bingula angaok khan ao urang bangsa Mông langiu di bruk brei mboh hatung hatian ye ngan saong dom urang kumei dara daok lac piah taong yaom ka tari taring, ghieh tangin. Urang kumei naih joi jhik pet hu mikva iek praong, taong yaom glaong. Dahlau di tuk nao ngak metau, kumei dara bangsa Mông hu amaik alin brei khan ao yau pandap hồi môn. Tuk nao gah sang pasang likei, metau kumei njauk kuhria caga khan ao gheih mekre piah alin ka amaik pajeng saong amaik di pasang. Kayua yau nan ye, khan jhik pet gheih hu jeng drap ar di urang kumei. Jeng kayua yau nan, ngan saong urang kumei dara, bruk megru jhik pet lac sa bruk njauk ngak: piah kuhria bruk ngui cuh ka urang dalam sang. Tuk jeng diuk, jeng urang amaik, urang kumei Mông jeng daok jhik pet rilo janih bingula, kuhria ka pasang likei, ka anek bhik angui cuk gheih, mekre./.

 

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân