Cập nhật ngày: 8/7/2015

1# Dalam mbang ravang Hoa Kỳ, Tổng Bí thư Nguyễn Phú Trọng saong Tổng thống Barack Obama hum bang ginum biai di Nhà Trắng di harei 7/7/2015. Tapa nan, dua urang dang akaok hu ginum biai saong njauk hatai gauk dom jalan ngak praong piah patagok talei pambuak bruk dua gah, ngak brei dalam jang talei pambuak bruk Việt Nam – Hoa Kỳ dalam tukvak tal, dalam nan brei jhul khang talei pambuak bruk kinh te – pablei salih – đầu tư, ngak nen tang saong dong luc ka talei pambuak bruk dua gah. Tapa mbang ravang Hoa Kỳ di Tổng Bí thư Nguyễn Phú Trọng, dua gah hu tabiak Tuyên bố chung ka talei pambuak bruk Việt Nam – Hoa Kỳ.

 

2/ Di tỉnh Quảng Trị, pandiak bhang dui atah pambuak saong hangin yuk khang palai pajoa taneh praong, ngak kan kandah khang tal rai diuk saong bruk pala drak di bhap bini. Labaih 10 ribau ha padai saong njam patam bilan hè thu daok mbuan si khat lahik abih, yaok rituh baoh sang kurang ia pandar. Anak bruk ini, tỉnh Quảng Trị hu tacei pato gah chức năng saong dom puk palei samar pacang cakak bhang pandiak.

 

3# Thun ini, urang nong huyen pulao Lý Sơn, tỉnh Quảng Ngãi pala jaik 50 hecta tamkai. Barau ini, phun tamkai njauk ruak nan ye rilo sang pala tamkai khat trak. Tui mikva urang nong, tamkai njauk ruak kayua jit rầy nâu mbang saong ia pruh njaom mbak. Amuk Phạm Thị Hương, Phó akaok uy mban bhapbini huyện Lý Sơn brei thau:Thun ini mikva urang nong pala tamkai njauk khat lihik. Huyen daok tacei pato dom gah khik caga phun pala di huyen bhian pasang iek dom mblang hamu piah daong ka mikva urang nong pacang caga halak halin  di tukvak anak tal.

 

4/ Pahadar 65 thun harei thanh niên xung phong VN (15/7/1950 – 15/7/2015), kapul dahlau daih ngak thanh niên xung phong tỉnh Đắc Lắc barau peih nyaom meyai pok meyaom dom kreih camin hadah krah dalam bruk pakacah gauk ranam taneh ia, bac megru saong ngak tui jalan hadah krah siam mekre di HCM. Dom urang hu mbaok tame nyaom meyai hu hadar veik bruk hadah hadai di thanh niên xung phong VN saong taong yaom dom bruk ngak hu dalam pakacah gauk anit ranam taneh ia, ngak tui saong patagok ilamu thanh niên xung phong dalam salih barau saong khik caga taneh ia palei negar.

 

  5# Amraik kalu lac sa dalam dom phun pala praong di tinh Bình Phước. Urak ini ruak “ metai samal - metai suai” daok palai pajoa phun amraik kalu di tinh Binh Phuoc. Meng akaok thun tal ini, taneh phun amraik kalu dalam tinh njaom ruak metai samal, metai suai jaik 600 ha.  Sở ngak nong saong patagok palei pala tỉnh Bình Phước hu padang Tổ tacei pato pacing caga ruka metai samal metai suai di phun amraik kalu dalam tinh. Bruk padang Tổ tacei pato piah parabha bruk,  pataom menuac urang pacing caga jit ruak daok mbuan si tamuh tabiak.

 

6/ Pambuak tal bruk 10,8 ha taneh samu 108.000 mét vuông taneh danao caraik, di mbaok jalan roya 1, di palei Long Hưng, xã Phước Thạnh, ban sit Mỹ Tho, tỉnh Tiền Giang klak tasaoh labaih 15 thun. Dahlau daih tỉnh kuhria padang sang bac đại học Tiền Giang bloh tal sang iek ruak khu vực bhum taneran kraong Cửu Long di labik ini min oh ngak hu, oh hu TƯ brei ngak, njauk klak tasaoh. Ong Trần Thanh Đức, Phaok akaok Ủy ban bhap bini tỉnh Tiền Giang lac: Labik taneh danao caraih ye tỉnh njauk gauk lac anak tal padang sang iek ruak tỉnh hu jaik 1.000 gait ndih iek ruak. Ngak taong abih dự án nan jaik 2.000 tỷ đồng. Kayua yau nan ye tỉnh daok likau Tư, mintri, ngành…. Urak ini daok duah dom phun jien abih di nyu nan lac phun jien ODA. Jalan ngak di kol dahlak nan lac meng 5 tal 10 thun tra.

 

7#  Tui Chi cục khik ramik darak pasal tỉnh Tây Ninh, tukvak tapa, bruk pablei salih lậu saradang cauh Thái Lan tapa  biên giới Campuchia tui jalan bien gioi Tay Ninh – Campuchia daok ran tabiak rilo. 6 bilan akaok thun, Chi cục khik ramik darak pasal tỉnh Tây Ninh hu mek labaih 80 vụ abih tih labaih 50 tấn saradang blei lậu meng Thái Lan.

 

Patui di ini dom khau tin dunya:

8/ Taduan panuac daa di akaok mintri nội vụ saong truyền thông NB, akaok mintri thông tin saong truyền thông VN Nguyễn Bắc Son hu mbang nao rivang saong ngak bruk di NB meng harei 6 tal harei 9/7/2015. Dalam tukvak daok rivang NB, akaok mintri Nguyễn Bắc Son saong kapul hu mbang ginum meyai dua gah saong akaok mintri nội vụ saong truyền thông, rivang, ngak bruk saong dom tập đoàn dang akaok gah bưu chính, viễn thông saong công nghệ thông tin di NB, maong iek bruk mboh tangin tame dom harak sanya pambuak bruk di dom jabat khik iek karja saong doanh nghiệp dua taneh ia.

 

9# Nyaom biai thượng đỉnh yaok thun mbang yaka 7 di kapul nyaom dom nen kinh te barau tagok BRICS (hu Bra-xin, Nga, Ấn Độ, Trung Quốc saong Nam Phi) barau peih pakak di ban U-pha di Nga. Nyaom biai thun ini brei tapa thỏa thuận kinh tế barau kayua dom taneh ia thành viên kuhria caga jeng ye dak padang gilang pariak patagok barau di kapul. Gilang pariak patagok barau hu maong lac bruk salih ka he thong gilang pariak Phuong Tay, piah daong dom dự án cơ sở hạ tầng di dom taneh ia daok patagok.

 

10/ HQ hu gilac sa urang metai kayua hội chứng laka jalan suak yava bhum TĐ Mers. Ini lac urang metai akaok meti dalam 8 harei tapa. Yau nan, abih tih urang metai kayua jit ruak ini di HQ lac 34 urang./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân