Cập nhật ngày: 13/6/2014

1/ Harei 12/6, mbang nyaom ka 7, QH mbang 13 daok ngak bruk saong bruk javap jalei di dom urang dalam rajaei. Tui iek mbang tangi sua ong Huỳnh Phong Tranh, Tổng thanh tra Rajaei, cử tri Đắc Lắc tong yaom glong bruk ngak di thanh tra rajaei dalam duah thau song langyah dom vụ án tham nhũng dalam tukvak tapa.

 

2./Tapa tui iek mbang javap chalơi di ong Hà Hùng Cường akaok mintri Tư pháp  anak QH harei 12/6, rilo cử tri di Cần Thơ biak caik hatai sangka tal bruk hu atau oh “lợi ích nhóm” dalam dom văn bản quy phạm pháp luật di dom Mintri saong dom jabat samu mintri. Ong Trần Đức Hiếu daok di phường An Hòa, quận Ninh Kiều, ban sit Cần Thơ brei thau:

          “tapa tangi sua saong javap chalơi di akaok mintri Tư Pháp ka bruk hu hu atau oh bruk ba lợi ích nhóm tame dom văn bản quy phạm pháp luật. dahlak mboh njauk hatai haong panuac javap chalơi di ong Hà Hùng Cường kayua tuk patabiak adat hukum hagait jeng brei hu panuac di urang quốc hội, di dom urang ngak hukum saong abih di nyu nan lac di bhap bini”.

 

3/ Tui panuac khan di Cục kiểm ngư, mintri ngak nong song patagok palei pala,: hadei di tuk nao tui gah Đông - Đông Nam, giàn khoan Hải Dương 981 oh ka mboh megei nao gah halei tra. TQ patagok parilo dom kapan Hải cảnh piah pacang cakak kapan tong ikan di VN. Anak bruk pacang cakak ni, dom kapan thực thi pháp luật song kapan tong ikan VN jeng khik hu siam mekre, khang hatai tabiak tasik khik caga chủ quyền tasik palao.

 

4./ Ban Trị sự Giáo hội Phật giáo Việt Nam tỉnh Quảng Trị peih bruk likau brei hu siam mekre ka biển Đông, hu mbaok labaih 4000 tăng ni, phật tử. Tapa nan, Hòa thượng Thích Thượng Tấn, Trưởng Ban Trị sự giáo hội Phật giáo Việt Nam tỉnh Quảng Trị hu panuac khan ka bruk Trung Quốc ba padang giàn khoan Hải Dương- 981 suan adat hukum dalam bhum tasik di Việt Nam. Saong daok hu puac harak di Giáo hội Phật giáo Việt Nam payua ka Hiệp hội Phật giáo Trung Quốc.

 

5/ Di huyện palao Lý Sơn, tỉnh Quảng Ngãi, Tổng Công ty thép Việt Nam hu peih bruk nao rivang song brei 20 bộ máy định vị, yaom 200 triệu đồng ka dom kapan tong ikan di pulao njauk kapan TQ ginuh tuk tabiak bhum tasik Hoàng Sa di VN. Bruk dong brei ni piah dong ka urang tong ikan samar pasiam pandap panda tong ikan di angaok kapan, tabiak tasik tong chap ikan khik caga chủ quyền prong glong di taneh ia.

 

6./ Pa-uan “Harei dunya pok meyaom urang brei darah 14 bilan 6”, mban tacei jalan jak ba brei darah tỉnh Kon Tum peih bruk pok meyaom dom urang halan hatian brei darah thun 2014. Hu 3 baoh sang, 6 kapul nyaom, labaih 70 urang hu pok meyaom. Sa-ai Vũ Bá Kỷ, Bí thư Đoàn cơ sở Công ty cà phê Đắc Uy, 13 mbang halan hatian brei darah daong ka urang, brei thau:

 “Pren yava di dahlak hadei di 13 mbang brei darah mboh oh hagait karei, bo daok mboh yau khang kadang jang. Dahlak uan tabuan hu rik daong hasit pren yava di drei daong ka menuac urang. Meng hatai sahneng lac drei daong ka urang yau daong ka ruo drei eng”

 

7/ Tui Ủy ban Nhân dân tỉnh Đồng Nai, urak ni tỉnh hu 205 DN njauk khut khat meng bruk srau kadau meng bloh, dalam nan hu 198 DN dalam khu công nghiệp, rilo meng lac Dn Đài Loan. Urak ni tong abih dom DN njauk khut khat hu ngak bruk gilac veik. Hu 555 urang ngak di 6 DN halan hatain oh mek jien bilan dalam dom harei padeih bruk piah brei mboh hatai caong pambuak pagam song DN.

 

8./ Hadei di ini dom khau tin dunya:

         Saboh harei 13/6, WORLD CUP 2014 hu peih tabiak di BRAZIL meng mbang caoh mbanh di kapul Brazil saong Croatia. Tui parabha bruk di mBan trọng tài FIFA, trọng tài Nhật Bản, Yuichi Nishimura, ngak trọng tài di mbang dit peih mbaok ini. Kadha ini nyu ngak brei kapul Brazil oh bui sambai, kayua ong Nishimura hu iek lac “hung thần” di Brazil dalam mbang World Cup 4 thun dahlau di Nam Phi.

 

9/ Piah patagok bruk khik caga di jalan tapen negar song TQ, Ấn Độ brei peih 54 đồn biên phòng bahrau ka gah cảnh sát  biên giới negar ni song Tây Tạng (TQ) di bang  A-ru-na-chan Pra-đét, gah Đông Bắc Ấn Độ. Tui nan, dom đồn biên phòng hu pabak ginup dom pandap panda brei ka bruk hu mbaok di dom bhum ceik glong hu băng tuyết song hu pabak điện meng ia harei, hu điện thoại pambuak vệ tinh./.

 

10./Pasak pasang iek saong pacang caga ruak di Mỹ bahrau brei thau, urang Mỹ praong tagok njauk ruak me-ik saradang hu tal 29 triệu menuac, samu 12% dom dam dara. Ruak ini meda pacang, plaih hu meng bruk mbang huak siam, jhui caik ka rup limek labaih klo saong brei bhian pasram rup pabhap./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân