Cập nhật ngày: 16/6/2014

# Thủ tướng Rajaei birau payua harak iew dom mentri, dom gah, dom palei pala, kapul kinh tế, tổng công ty Karja peih bruk padang ngak jalan ngak patagok kinh tế- xa hoi saong caga kadung jien Karja thun 2015. Thủ tướng Rajaei caong khin brei pataom tame klak rabha phun jien buh tame meng kadung Karja piah ngak brei salah saong jhul pasamar bruk ngak dom danak dak praong pakat negar; bruk quoc phong an ninh, daong urang nao tasik patagok bruk taong chap ikan, pambuak saong bruk khik caga bruk ngak po kaoh pulao tasik.

 

 # Harei 15/6, kapal Cảnh sát tasik 8003 saong dom kapal kiểm ngư di Việt Nam parabha jeng dua jalan cơ động, pabak tui giàn khoan Hải Dương 981 piah pathau khan ndom khang ka chu quyen saong phan doi bruk ngak suan di Trung Quốc; pandar giàn khoan Hải Dương 981 saong dom kapal khik caga di Trung Quốc njauk tabiak truh bhum đặc quyền kinh tế saong thềm lục địa di Việt Nam. Di tuk nan, kapal Trung Quốc parabha doi hinh pagui kapul ngak bruk hukum di Việt Nam.

 

# Di ban Phư-cư-ô-ca (Fukuoka) meraong negar Nhật Bản, harei kabroi 15/6, labaih 200 urang Việt Nam diukrai, bac megru saong ngak bruk labik ini gam saong dom urang Nhật Bản anit ranam hoa binh trun jalan cagar veik bruk Trung Quoc lih meh bhum tasik di Viet Nam. Bruk trun jalan dalam salamat sron mbuan, njauk hukum negar Nhật Bản, ngak brei bhap bini Nhật Bản jeng yau dom ayut negar karei karei daok di ban Phư-cư-ô-ka caik hatai. 

 

.# Kapul ngak ikan Khánh Hòa peih bruk jak ba “ mblaoh tangin, jum pren yava khik caga tasik, daong urang ngak ikan Khánh Hòa tabiak tasik, dak padang kadung jien daong urang ngak ikan Khánh Hòa” , pataom mbaok hu jaik 400 urang ngak ikan daok taong cap ikan di ngư trường Hoàng Sa- Trường Sa. Di harei jak ba, mikva ngak ikan rik daong 40 trieu dong tame kadung jien daong urang ngak ikan tinh Khánh Hòa, piah blei pandap daong urang ngak ikan taong cap kaya ikan atah ar tasik, tabiak tasik atah harei.

 

 # Danak dak “Pahadah dom caong khin” kayua Kapul Khik caga quyền uranaih Viet Nam pambuak saong Pasak Papar binguk pahala peih ngak di harei 15/6, di Ha Noi. Pho akok negar Nguyen Thi Doan saong dom urang ngak praong dom mentri, dom gah pakat Trung uong  hu mbaok tame danakdak saong alin pandap ka dom uranaih baoh sang kan kathaot daok di 6 tỉnh, ban nan lac: Hà Nội, Bắc Giang, Lào Cai, Bắc Ninh, Hải Phòng và Thanh Hoá.

 

.# Jeng gam harei, pasak Unesco roh duah saong khik ramik ilimo Cam di ban raya Hồ Chí Minh peih bruk ginum biai alamu brei panuac ban thao inelang Chăm – Việt – Anh, Việt – Chăm – Anh. Rilo urang jakar ndom lac, inelang tabiak mbaok lac sa bruk ngak siam mekre piah khik sap ndom, ilimo bangsa. Min, piah inelang Chăm – Việt – Anh, Việt – Chăm – Anh ngak hu kein laba, kapul paneh njauk buh tame, bien tap veik dom kadha, lang nghia ka njauk…

 

 #  Mban tacei jalan Tây Nam bộ saong Uy ban bhap bini tinh Ca Mau birau peih bruk pakacah duah thau hukum brei ka dom urang bangsa takik daok di bhum taneran kraong Cuu Long. Mbang pakacah nan ngak brei paglaong jalan sahaneng saong ngak siam njauk hukum di urang dom bangsa takik.

 

Khaw tin dunya

#  Tui brei thau di Uỷ ban Kỷ luật Kiểm tra Trung ương Trung Quốc, ông Tô Vinh (Su Rong), Phó akaok nyaom biai Chính trị Hiệp thương bhapbini di taneh ia Trung Quốc mbang 12 (vak katut lac Chính hiệp) gaok padheih bruk dang akaok saong daok dut iek kayua dom bruk ngak suan ky luat praong.

 # Patao Ba-ranh Kha-li-pha harei kabroi 15/6 brei panuac pasang iek ka harak pathau khan lac: Rajaei Mỹ hu ngak sa bruk praong luac khu vực Trung Đông piah ngak salih karja di labik ini.

# Sa mbang megaiy taneh khang 5,8 độ rích-te barau rah tabiak di bhum Phư-cư-xi-ma, Đông Bắc Nhật Bản. Tâm chấn di mbang megaiy taneh dalam 50 km. Mbang megaiy taneh praong ngak ka abih bhum ban ine Tô-ki-ô jeng mboh hu taneh megaiy . Urak ini, oh ka mboh khan brei thau song than hu ba tabiak jeng ye metai hadei mbang megaiy taneh ini. Mbang megaiy taneh ini hu dak tame angan pakat 4 di Nhat Ban./.

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân