Cập nhật ngày: 3/7/2015

Khaw tin 19h00, harei  3/7 saong 6h30, harei 4/7

# Phó Thủ tướng Phạm Bình Minh hu var taom gaok cử tri di ban sit Hạ Long, tỉnh Quảng hadei mbang nyaom ka 9, Quốc hội mbang XIII. Di dom var taom gaok,  Phó Thủ Tướng hu khan brei thau ka mbang nyaom ka 9, Quốc hội mbang  XIII. Tui nan, di mbang nyaom, Quốc Hội hu brei tapa 11 dự án luật; brei panuac ka 15 dự án luật. Dalam nan rilo dự án luật taduan mek hu bruk sangka rilo jang di bhapbini ye : Bộ luật Dân sự pasiam veik, Bộ luật Tố tụng Dân sự pasiam veik, Luật Tố tụng hành chính pasiam veik, Luật Kiểm toán pasiam veik…

/ 6 bilan akaok thun ini, abih tih urang ngak VN nao ngak bruk di negar langiu nan lac 56.173 urang. Dalam dom urang ini hu 16.942 urang kamei. Bruk urang ngak nao ngak bruk di negar lingiu dalam dua quý meng bloh nan lac 59,13% bruk di thun 2015 saong ralo jang duk saong thun dahlau. Dalam bilan 6, dom urang ngak nao ngak bruk di negar langiu ralo jang 11.700  urang, nao dom taneh ia: Đài Loan, Nhật Bản, Hàn Quốc.

# Ủy ban bhapbini ban sit Quảng Ngãi barau ngak blaoh saong ba tame pandar darak đầu mối nông sản ban sit Quảng Ngãi. Dự án hu abih tih jien dau tu labaih 51 tỷ đồng, dak padang dalam taneh labaih 38 hecta, hu sang lồng nông sản, sang mban khik ramik darak pagam khik caga saong dom kapul duh…Bruk dak padang darak đầu mối nông sản ban sit Quảng Ngãi piah pabak caong khin blei pablei pandap panda ka mikva, khik caga bruk nerak alam moi truong, meblah vỉa hè, kadar jalan nao mai di pabah mbang gah meraong ban sit Quảng Ngãi. 

/ Tui chi cục khik caga phun pala tỉnh Kon Tum, dalam tukvak jaik di ini, kayua langik pandiak dui atah, nan ye ruak phấn patih patagok khang angaok phun cao su di dom puk palei dalam tỉnh. Urak ini dalam tỉnh hu jaik 5000 ha phun cao su njauk ruak phấn patih  meng 30 tal 100%. Chi cục khik caga phun pala tỉnh hu tacei pato blai khik caga phun pala dom huyện, ban patagok bruk tacei pato bhap bini dom jalan ngak pacang caga ruak phấn patih piah pacang cakak jit ruak.

#  Ủy ban bhapbini tỉnh Phú Yên tacei pato dom gah chức năng, puk palei dalam tỉnh paglaong bruk pacing caga pambak Hội chứng viêm jalan hô hấp bhum Trung Đông kayua vi rút Corona (MERS-CoV). Bác Sỹ Biện Ngọc Tân, Phó Giám đốc pasak  Y tế Dự phòng tỉnh Phú Yên brei thau :Tỉnh jeng ba tabiak bruk pacing caga jit ruak Mers Cov, peih bruk pasram ka urang jakar y te dom huyện thị xã, ban , kuhria caga dom cơ số hóa chất pacing caga jit . Sở Y tế jeng tacei pato dak padang dom duk  cách ly điều trị, saong dom cơ sở dã chiến piah taduan mek meyah hu dom ca ruak.”

/ Di Nghĩa trang liệt sĩ tỉnh Bình Thuận, tỉnh ủy, hội đồng bhap bini, UB bhap bini, UBMT negar tỉnh barau peih bruk truy điệu saong ba nao dar 13 hài cốt liệt sĩ metai di labik căn cứ Bá Ghe, huyện Phan Lý (klak), urak ini lac palei An Thạnh, xã Bình An, huyện Bắc Bình. Bruk truy điệu saong ba nao dar rah tabiak dalam trang nghiêm, brei mboh hatai thau dhar phon di đảng bộ, kajar saong bhap bini tỉnh BT ngan saong dom liệt sĩ metai nao ka độc lập tự do di taneh ia palei negar.

# Di phường 2, ban sit Tây Ninh, Công an tỉnh Tây Ninh saong  Sở Tài nguyên saong Môi trường tỉnh Tây Ninh barau cuh klak yaok tấn chất thải y tế khut oh ka tapa xử lý. Ini lac dom hareik nerak kayua sang iek ruak tư nhân Lê Ngọc Tùng di phường 3, ban sit Tây Ninh, tỉnh Tây Ninh lam ala haluk suan hukum. Di mblang cuh, gah chuc nang mek 111 kg hareik nerak hu : bệnh phẩm, nhau thai, dụng cụ y tế tapa pandar. Urak ini gah  chức năng daok dut iek cambaih bruk ini.

 

Patui di ini dom khau tin dunya:

/ Di tỉnh Công-pông Chơ-năng, Cam-pu-chia, lambaok quân khu 9, bol bala bhap bini VN barau peih bruk taduan 19 hài cốt di lin VN metai dalam samar mesruh metak, ba mai taneh ia palei negar

# Hàn Quốc harei 3/7 hu veik 1 urang njaom hội chứng hô hấp bhum Trung Đông Mớt (MERS), min oh hu urang halei metai kayua jit ruak ini dalam luac 3 harei tapa. Tui mintri y te Hàn Quốc, urang ruak ka 184 ini lac sa y tá di pasak y tế Sam-sung (Samsung), labik hu jaik sa meteh ca njaom Mớt di Hàn Quốc. Urak ini pasak y tế ini daok kareik bambang oh thau tal tuk halei meng peih veik.

/ Urang vak di rayo sap ndom VN daok di Séc brei thau, dalam kham merat salih barau bruk hưu trí, QH Bungari barau brei tapa panuac caong di rajaei patagok umo padeih hưu ngan saong likei kamei nan lac 65 thun di thun 2027. Sa bruk salih barau karei dalam cải cách chế độ hưu trí di rajaei nan lac bruk patagok 1% rik daong BH tame quĩ BH hưu trí di karja dalam dua thun 2017 saong 2018. Urak ini yaom rik daong BH hưu trí tame quỹ hưu trí karja meblah jaik 17,8% jien mek tame hu BH./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân