Khaw tin lúc 10h30 và 14h30

# Patui bruk taom gaok cử tri hadei di mbang nyaom ka 7, QH mbang 13, biar harei kabroi, di quân khu 9, ong Lê Hồng Anh, UV mintri chính trị, TTBBTTU Đảng, urang QH đơn vị ban sit Cần Thơ hu mbang taom gaok cử tri bol pan phao kraong quân khu 9. Di mbang taom gaok, ralo cử tri hu panuac caong khin QH, rajaei saong dom mintri ngành brei hu dom jalan ngak khang jang gac dalam bruk pacang cakak tham nhũng, jhul pakhang bruk padang ngak palei pala barau. Abih di nyu nan lac, bruk biển đông, cử tri ndom lac brei taong yaom njauk bản chất di TQ piah ba tabiak dom jalan ngak ka nyu lagaih.

# Di Hà Nội, mintri ngak nong saong cakrok palei pala barau peih bruk brei thau harak di Thủ tướng Rajaei brei padang Học viện nong nghiep Việt Nam. Brei panuac di tuk peih bruk, akaok mintri ngak nong saong cakrok palei pala Cao Đức Phát pok meyaom dom rik daong di dom cei gru, nai gru di sang bac dalam bruk cakrok gah ngak nong, palei pala di taneh ia, taphia nan, ndom lac :  Học viện Nông nghiệp Việt Nam hu labik dang praong dalam bruk daong pambuak pakajap bruk pato pakai menuac urang saong bruk peih ngak dom jalan cakrok, tai co cau gah ngak nong saong cakrok palei pala di tukvak tal.

# “Mai tal T.Sa” nan lac angan ieu di mbang parang iek mỹ thuật di 30 tác giả - họa sĩ hu mbang nao tal T.Sa mai, barau peih tabiak di HN. Parang iek hu parang tabiak 62 tác phẩm – mek cảm hứng meng mbang nao tal T.Sa di họa sĩ VN. Meng bruk nao angaok kapal tapa tasik piah taom gaok bol bala saong bhap bini dom pulao di pulao kaoh TS, dom họa sĩ hu cih tabiak rilo rup cih brei mboh ka raidiuk, ka bruk chiến đấu labik pulao atah. Dom blah rup cih  hu palih ruah, ba tabiak parang iek nan, yaom lac hu cih tui rilo jalan karei di gauk min jeng brei mboh hatai iek praong, iek glaong saong anit ranam di dom họa sĩ brei ka dom urang lin saong bhap bini labik tasik palei negar.

# Di tỉnh Bình Phước barau rah tabiak bruk taduan mek harak brei angan “nhãn hiệu tap the” ka amriak kalu Loc Ninh kayua Cục Sở hữu trí tuệ - mintri alamu – cong nghe brei. Ini lac mbang akaok camereip Binh Phuoc hu sa pandap kaya hu brei angan, peih tabiak ka urang nong sa jalan nao barau dalam pala drak, daong paglaong yaom, angan je pandap saong paglaong jien mek tame. Ông Nguyễn Bá Thịnh, urang nong xa Lộc An, huyện Lộc Ninh ndom lac : “Ta-eng phun amriak kalu brei pandar cong nghe khang kajap piah gam cakrok. Urang nong Loc Ninh jeng ye tinh Binh Phuoc gam ngak piah phun amriak kalu Biet Nam njauk haong angan di dunya.

# Bruk mbang ngui daok dang di labaih 100 baoh sang bhap bini daok di 7 xã dalam ban sit Kon Tum, tỉnh Kon Tum daok gaok kan kandah kayua hu sa janih côn trùng seok khang hu angan ieu lac Mesomorphus Villiger, bo bhap bini puk palei bhian ieu lac bọ đậu đen. Bọ đậu đen praong nde asar ratak juk, dak harei dak ralo ngak kan kandah tal rai diuk di mikva. Anak bruk ini, gah y tế puk palei hu kakei mikva pandar jalan pacang cakak meng thủ công piah palahik bọ đậu đen.

# Ủy ban bhapbini tỉnh Cà Mau barau tacei pato gah y te paglaong bruk pacang caga jit ruak dalam tinh, abih di nyu nan lac ruak pandiak tabiak darah urak ini daok mboh di 9 huyen, ban. Yam tame bilan hajan jeng lac tukvak siam ka jamaok vằn tamuh tagok, ngak ka urang ruak pandiak biak darah dak harei dak rilo, ba tal qua tai di rilo sang iek ruak dalam tinh. Bác sỹ Nguyễn Thanh Dân – Akaok pasak y te du phong tinh Ca Mau ndom lac, akaok sahaneng ka bruk caga ruak di bhapbini oh ka glaong nan lac makna ngak ka jit ruak pandiak tabiak darah tagok samal.

# Melam bloh 25/6, 2 baoh dit tame di Mét-xi saong 1 baoh di Rô-giô hu daong ka Ác-hen-ti-na mbang Ni-giê-ri-a 3-2, tapa nan caneh abih 3 mbang dit vòng bảng piah tame vòng 16 đội  saong lac đội dang akaok bảng F. Yaom lac lah min Ni-giê-ri-a jeng hu tame vòng 16 đội kayua lac đội dang dhi 2 bảng F.Mesup harei ini, 3 mbang dit tame di Xê-đan Sa-ki-ri hu daong ka Thụy Sĩ mbang  Ôn-đu-rátx 3 baoh piah gamsaong Prang tame tame vòng 16 đội. 

Khaw tin dunya

# Dalam mbang ravang saong ngak bruk di Lao meng harei 25 tal 27/6, bair harei kabroi, di ban ine Viêng Chăn,  kapul urang jakar mintri jien padai kayua ong Đinh Tiến Dũng, Uỷ viên Trung ương Đảng, akaok mintri jien padai par akaok hu Thủ tướng Lào Thong-sinh- Thăm-ma-vông taduan raok. Akaok mintri Đinh Tiến Dũng hu panuac ndua dhar phuan Thủ tướng hu caik tukvak raok kapul; akaok mintri brei thau, dua mintri jien padai Biet Nam – Lao hu mbang biai nao mai, njauk gauk brei jhul pakhang talei pambuak bruk, klah rabha alamu , abih di nyu nan lac alamu dalam bruk pacang that thu kadung jien karja.

# Dalam bruk Biển Đông daok catang tagok kayua TQ padang giàn khoan Hải Dương 981 suan hukum dalam bhum tasik di VN, barau ini, TQ daok meblah mek gac Biển Đông tapa bruk patabiak bản đồ tui hình khổ dọc meblak mek abih biển đông. Dua bản đồ hu angan ieu “Bản đồ taneh ia công hòa bhap bini Trung Hoa” saong “Địa hình TQ” kayua sang patabiak bản đổ tỉnh Hồ Nam cih, hu patabiak saong jeng bản đồ hu in tui hình khổ dọc mbang camereip di TQ.

# Harei kabroi, di ban ine Mat-xcơ-va hu peih pakak dom harei ilimo Biet Nam di Lien Bang Nga. Danakdak lac jalan piah urang Lien Bang Ngan saong dom ayut dunya daok diukrai saong ngak bruk di Lien Ban Nga thau cambaih jang ka ilimo Biet Nam thau hu pren khang gah padhih jeng ye pren khang gah du lich di Biet Nam. Dom harei ilimo Biet Nam di Lien Bang Nga mbang ini hu peih tabiak jalan cakrok jang talei rohim, pambuak bruk, taom gaok ilimo, nghe thuat di dua taneh ia; taphia nan, daong paglaong bruk jum pataom, huu nghi,  pambuak taong abih bruk di Việt Nam haong Liên bang Nga./.