Cập nhật ngày: 9/7/2014

1 # Pak Hà Nội, Thủ tướng Nguyễn Tấn Dũng bahrau ngak bruk haong Hội đồng Bangsa di Quốc hội saong Ủy ban Bangsa piah pasang iek saong taong yaom gilac dom sarak bangsa piah yasa bruk ngak, jalan ngak saong sarak di anak meta saong suai lavik ngan haong bruk ngak bangsa tui jalan kein lagaih saong siam mekre jang. Thủ tướng Nguyễn Tấn Dũng khang panuac lac: bruk ngak bangsa nan lac bruk ngak praong, suai lavik di taneh aia.

(Băng: Khaol drei peih ngak oh siam sarak bangsa nan lac oh grap tanat, bo oh grap tanat ye oh cakrok patagok khang kajap hu, ini jeng lac bruk mboh di anak meta sarak siam gheih di chế độ drei. Meyah khaol drei peih ngak siam sarak bangsa meda rik daong ngak brei cakrok patagok taneh aia. Grap tanat chính trị xã hội njauk tui jalan lac hatai jia di bhap bani pachreih tui jalan ngak, sarak di Đảng, Karja, gul pataom, yasa saong njauk hatai haong gauk.)

 

 2/ Urak ni, viện bỏng quốc gia Lê Hữu Trác dok iek ruak ka 3 Trung úy của Bộ Tư lệnh Thủ đô njauk rambuac trak dalam mbang njauk bala kapan haoh trực thăng Mi -171 rah tabiak mesup harei 7/7. Nao rivang 3 urang lin dalam tuk beir harei kabroi, akaok mintri y tế Nguyễn Thị Kim Tiến hu panuac kakei dom sang iek ruak ngak yau habar brei daong ka pahu dom urang lin njauk rambuac. 3 trung úy dok iek ruak di Viện bỏng Quốc gia njauk pandung biak dalam meng 50 tal 60%, langiu di nan dok njauk đa chấn thương, abih di nyu nan lac tổn thương di phổi kayua mbang patuh yau nan ye suak yava biak kan.

3 # Biar harei kabroi, pak Hà Nội, Mentri ngak nong saong patagok palei pala  saong Đại sứ quán Canađa pak Việt Nam hu mboh tangin tame harak sanya “Dự án daong ilamu saong sarak piah peih ngak Đề án rami ramik veik gah ngak nông di Việt Nam”. Dự án hu yaom jaik 500 ribau đô la Mỹ kayua Mentri Ngoại giao, Pablei salih saong Patagok Canada daong piah peih bruk daong ilamu saong Sarak peih ngak đề án rami ramik veik bruk ngak nông Việt Nam vak tu 2013 – 2020.

4/ Mesup harei 9/7 labaih 575 ribau anek saih tame pakacah ĐH mbang ka 2, mbang pakacah ĐH, CĐ thun 2014, hu khối BCD song dom khối năng khiếu yam tame janih pakacah camereip. Dom thí sinh khối B song D pakacah môn toán, thí sinh khối C pakacah môn địa lý tui jalan tự luận, tukvak ngak bài 180 minite. Tui mintri pato megru, dalam mbang ka 2, dalam negar hu 141 sang bac peih pakacah, dalam nan rilo sang bac peih tuyển sinh karei, lac sa dalam dom kadha bahrau di mbang pakacah thun ni. Ni jeng lac mbang pakacah hu rilo khối thi, song rilo janih pakacah tự luận, abih di nyu nan lac khối C dalam nan hu dom môn khoa học xã hội nan ye mbuan si rah tabiak bruk thí sinh ba tài liệu tame balik pakacah  suan adat.

 

5 # Biar harei 8/7, Sở Y tế tỉnh Đồng Tháp brei thau anak bruk ndom lac sa ranaih kumei di huyện Tháp Mười metai  hadei di tuk kluak vắc-xin, Sở hu peih mbang nyaom brei padang Hội đồng chuyên môn ngan haong bruk hu mbaok di Sở Y tế tỉnh, sang iek ruak Nhi Đồng 1 bal raya Hồ Chí Minh, Viện Pasteur bal raya Hồ Chí Minh, Công an tỉnh Đồng Tháp. Baoh sang urang hu anek metai hu brei ka jabat chuyên môn blac raih tử thi piah duah thau makna di nyu. Tapa nan mboh lac, makna ngak ka ranaih kumei metai nan kayua glac aia tasau, oh hu kadha halei lac uranaih metai pambuak pagam tal vắc-xin. Panuac khan meng Sở Y tế jeng brei thau harei 7/7, dalam 36 ranaih hu ba nao klauk vắc xin pak trạm y tế xã Trường Xuân hu 4 ranaih njauk pandiak, yau nan min oh ka mboh urang halei hu triệu chúng bất thường.

 

6/ Gam tal bruk co klaik mbia rah tabiak di vòng xoay Tam Hiệp harei 4/12/2013 meng bloh, Tòa án bhap bini ban sit Biên Hòa, tỉnh Đồng Nai hu ba tabiak xét xử lưu động. Tòa tuyên án 2 bị cáo Trần Anh Cường, Đinh Văn Vinh, yaok urang njauk 6 bilan guk kayua meblah mek pandap tui paka  137, Bộ Luật hình sự. Aik aok ka bruk ngak di drei, Cường saong Vinh ndom lac bruk meblah mek mbia nan biak melau, oh sahneng mboh lac bruk mek mbia tuh tabiak jalan nan lac suan hukum.

7 # Kapul caoh mbanh Brazil njauk lah trak abih dalam dak rai sajarah di drei saong dalam bruk caoh mbanh di dunya, tuk Brazil alah trak anak tuyển Đức ngan haong tỉ số 7-1, dalam mbang bán kết World Cup 2014 rah tabiak tuk page mesup harei ini. Ini jeng lac mbang lah tệ hại abih di tuyển Brazil, trak jang mbang lah 0-6 di Brazil angak tuyển Uruguay pak Copa America thun 1920, jeng yau mbang lah akaok meti di Brazil angaok mblang di drei dalam sa giải pakat dunya, kuhria meng thun 1975. Mbang jayak di tuyển Đức anak Brazil jeng lac mbang jayak kỷ lục di sa mbang caoh bán kết World Cup.

 

8/ Urang pan akaok Cộng hòa dân chủ bhap bini Triều Tiên Kim Châng Un  bahrau peih bruk pahadar 20 thun harei lahik aruah Chủ tịch Kim Nhật Thành –  urang padang tabiak negar Cộng hòa dân chủ bhap bini Triều Tiên. Bruk nan hu peih tabiak di ban ine Bình Nhưỡng, hu papar binguk tapak di angaok rayo papar binguk karja Triều Tiên, hu mbaok di dom urang pakat glong karja đảng song bol bala. Brei panuac di tuk pahadar, Chủ tịch Ủy ban thường vụ Hội nghị bhap bini tối cao negar Cộng hòa dân chủ bhap bini Triều Tiên Kim Châng Nam (Kim Yong-Nam) tong yaom glong dom bruk ngak di arauh Chủ tịch Kim Nhật thành ka bruk patagok di Triều Tiên.

        

9 # Yaok rituh ribau bhap bani angaok pulao Ô-ki-na-oa (Okinawa), Nhật Bản njauk panduan nao daok di labik karei kayua ribuk Nê-ô-gu-ri (Neoguri ) tuh tame baoh pulao ini. Ngan haong pren angin khang tal 252 km sa tuk, ribuk Nê-ô-gu-ri ba tui dom mbang hajan prong saong tui kuhria meda ngak jeng dom mbang riyak prong. Ralo mbang par mai saong nao Ô-ki-na-oa njauk brei padeih saong dom sang bac njauk kareik pabah mbang. Ribuk prong meda ngak ka ralo phun kayau jaleih. Takik abih 3 urang njauk rambuis kayua ribuk. Labaih 50 ribau baoh sang lahik điện. Sa baoh sang mac halang menjek pak Ô-ki-na-oa njauk padeih ngak kayua lahik điện.

 

10/ Gah y tế dunya bahrau hu panuac lac, virut Ebola dok njom mbak di dom negar  châu Phi. Tui pathau khan bahrau abih di Gah y tế dunya, meng di tuk jit ruak Ebola rah tabiak di Châu Phi dalam bilan 2 meng bloh, hu 844 urang njom ruak song 518 urang metai di Xiêra Lêôn, Libêria song Ghinê. Meyah kurhia meng harei 3/7 mbaih tal harei ni hu 50 urang bahrau njom virut Ebola song 25 urang metai kayua njom virut ni di 3 negar nan./. 

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân