-Rajaei hu tabiak Nghị định 110/NĐ-CP ka bruk khik ramik saong peih ngak rija roya. Nghị định ini hu ba tame pandar meng harei 15 bilan 10 thun 2018. Kadha sarak barau adit ini, kol dahlak likau khan ka bruk peih ngak rija roya tui jalan di Nghị định ini:

-Nghị định 110 piah ramik pasiam veik bruk peih ngak rija roya; daong bruk padang ngak veik, khik caga rija roya mengkan piah khik ramik dom ilimo gheih mekre, pabak hatai di urang bhapbini. Karja jeng pachreih dom bruk ilimo, doah tamia, kadha mein mengkan, pandar alamu công nghệ barau dalam peih ngak rija roya ilimo, roya bruk ngak, rija roya hu asal meng taneh ia lingiu. Lingiu di nan Nghị định rik daong paglaong chất lượng pato pakai, pasram ka urang jakar chuyên môn, nghiệp vụ ka khik ramik bruk peih ngak rija roya saong peih praong pambuak bruk dunya dalam peih ngak rija roya.

 

Paka 5 Nghị định tacei tabiak jalan peih ngak rija roya yau ini:

-Ka 1: Bruk peih ngak rija roya piah pato pakai ilamu anit ranam taneh ia, hatai tự hào bangsa, đạo lý “menyum ia hadar tal halau”, pok je pren yava buh tame di urang rai dahlau, urang sajarah, dom urang hu rilo rik daong dalam bruk dak padang, patagok taneh ia; pathau khan yaom ka sajarah, ilimo, kiến trúc di inem mek, bruk gheih mekre di rija roya.

Ka 2: Rija roya njauk hu peih ngak praong prang, siam lagaih, kein laba; njauk saong asal kadha di rija roya; peih ngak rija roya mengkan njauk saong bruk di nyu, njauk saong makna sajarah ilimo; trun takik mbang peih ngak, takik tukvak peih ngak rija roya ilimo.

Ka 3: Adat di rija roya njauk trang nghiêm, khik njauk tui mengkan; oh brei peih ngak adat ndung bak bruk taong paoh gauk, phản cảm, suan saong jalan ranam hòa bình, nhân đạo di bangsa Việt Nam.

Paka 4: Pato pakai, tacei jalan ka anek menuac mboh dom bruk ngak, thái độ, sahneng mboh glaong, mekre; tah klak bruk nduac tui jien padai, hatai hava saong dom kein laba ka rup drei.

-5. Njauk peih ngak dom bruk khik caga inem mek, danh lam thắng cảnh; khik caga an ninh, trật tự, an toàn xã hội, pacang caga khuah patuh, an toàn jalan mbak saong hacih saat alam môi trường.

-6. Oh pambak pagam tame bruk peih ngak rija roya piah duah laba ka drei, duh ka lợi ích nhóm; oh kateik greik libik, menuac urang pataom tame rik daong jien peih ngak rija roya.

-7. Takik pandar kadung jien karja, jhul khang xã hội hóa dom gah dalam bruk peih ngak rija roya; peih ngak patak pataom, caga palai pajoa.

 

-Yau nan, Nghị định 110 di rajaei oh njuak lac pakauk peih ngak rija roya yau panuac ndom oh njauk di menuac sia bo Nghị định ini tabiak rai piah ramik veik pasiam, daong dom rija roya hu mai veik njauk makna di nyu. Dom adat di rija roya njauk trang nghiêm, khik njauk tui mengkan; oh peih ngak adat hu bruk maong yau taong paoh, phản cảm, suan haong bruk ranam hòa bình, nhân đạo di bangsa Viet Nam./.

 

Thúy Linh

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân