1 # Dalam mbang nyaom biar harei 9-11, dom urang Quốc hội biểu quyết brei tapa Nghị quyết ka dự toán kadung jien karja thun 2019. Hadei di nan, Quốc hội pang Ủy viên Ủy ban Thường vụ Quốc hội, Akaok Ủy ban Kinh tế di Quốc hội Vũ Hồng Thanh puac harak pathau khan, langyah, taduan mek, ramik veik dự án Hukum pasiam veik, pabak dom Hukum hu pambuak pagam tak quy hoạch saong ginum biai pak hội trường ka dự án hukum ini.

 

2/ Urak ini, urang nong tỉnh Vĩnh Long daok trun pajaih padai đông xuân ngan saong taneh praong labaih 56 ribau ha. Ini lac bilan padai praong dalam thun di bhum taneran klraong Cuu Long; brei rilo padai brah jang dom bialn padai karei. Piah caga rầy saong hu ia pala drak, tỉnh Vĩnh Long paraba tukvak trun pajaih jeng 3 mbang tui bhum taneh saong brei drak salah  di harei 5 bilan 12 anak tal. Jabat ngak nong saong patagok palei pala dom bhum palei dalam tỉnh urak ini daok jak ba mikva kuac ribaong, pakajap ar pacang piah khik caga bilan padai đông xuân tuk ia ndik daok rah tabiak.

 

3 # Balai cấp cứu vệ tinh 115 di sang ruak đa khoa Sài Gòn (quận 1, TPHCM) bahrau ba tame ngak iekbruk radaih cấp cứu 2 baoh kong. Ini lac sang ruak akaok meti di negar ba tame ngak bruk ini. Bruk ngak ini takik abih jien ndo, daong ka y, bác sĩ mbuan pajeng ba, bruk cấp cứu urang ruak hu samar drah jang, abih di nyu nan lac di dom labik pasak bal raya hu ralo jalan hẽm sit, gar radaih piah pabak bruk cấp cứu. Kapul cấp cứu meng radaih dua baoh kong hu 24 urang, dalam nan hu 5 bác sĩ, 13 điều dưỡng saong 4 urang peih radaih ngak bruk luac harei melam.

4/ Di tỉnh Sóc Trăng, Danak dak daong brei limo binai raong, piah patagok kinh tế di Qũy Thiện Tâm - Tập đoàn Vingroup peih ngak hu daong ka urang sang kan kathaot hu bruk ngak, duah hu jien tame tani tanat, paglaong raidiuk saong yam tagok truh kan kathaot khang kajap. Tui nan, hu 100 baoh sang kan kathaot, jaik kan kathaot  hu taduan bruk daong nan, yaok sa drei limo hu yaom meng 15 tal 17 trieu dong.  Dom baoh sang hu taduan  limo binai pajaih meng Danak dak ini tal tuk limo menek la-oi raong  bak thun brei bayar veik limo la-oi ka Danak dak piah ba brei ka manuac karei raong. Hadei di nan, urang raong limo amaik menke veik  ka drei.

5 # UBND tỉnh Bắc Ninh bahrau pasang iek brei tapa bruk ramik veik, pabak dự án padang ngak  pasak khik ramik blah cih bhap bani Đông Hồ tagok tal labaih 91 tỷ đồng. Labik padang ngak Pasak khik ramik blah cih Đông Hồ di Xã Song Hồ saong xã Đại Đồng Thành, huyện Thuận Thành, tỉnh Bắc Ninh. Dahlau di nan, Bộ VH-TT-DL jeng hu harak payua ka UBND tỉnh Bắc Ninh ka bruk padang ngak Hồ sơ “Bruk ngak rup cih bhap bani  Đông Hồ” pok tagok UNESCO ba tame angan drap ar ilamo oh mboh di meta njauk khik ramik chip. Rup cih bhap bani Đông Hồ nan lac rup cih srak kayau bhap bani, daok dalam bruk ngak thủ công meng kan, hu yaom gah dak rai sajarah, ilamo saong nghệ thuật biak gheih.

 

Khaw tin dunya:

6/ Tui Mentri An ninh dalam negar Mỹ, harei 9/11, Tổng thống Trump bhu mbaok tame harak quy định pakauk urang negar karei tame taneh ia ini suan hukum liaku cơ chế tị nạn ngan saong dom urang mai meng dom taneh ia Trung Mỹ. Bruk nan piah pacang kapol urang daok ba gauk mai di jalan tapen negar Mexico-Mỹ, jeng yau ba jalan piah ka dom tổng thống hadei di ong Trump atah klak bruk liaku cơ chế tị nạn ka urang tame negar suan hukum. Tui dom urang khik iek, quy định birau ni medil lac njauk urang cagar veik kayua oh njuak tui hukum tị nạn liên bang meng lavik mai. Jabat chức năng njauk taong yaom bruk likau tị nạn di yaok urang, brei atau oh cơ chế nan. Langiu di nan, quy định birau meda tavak tame dom hiep uoc Mỹ hu sanya brei taduan dom urang likau tị nạn.

 

7 # Thủ tướng Australia Scott Morrison bahrau peih ngak danak dak padang kadung jien jaik 1,46 tỷ USD, piah pabak dom khoản viện trợ saong brei mesre piah patagok cơ sở hạ tầng di dom negar Thái Bình Dương. Danak dak brei peih ngak dahlau di dom gah viễn thông, năng lượng, giao thông, pasiam veik halau aia hacih… Thủ tướng Morrison jeng sanya lac meda pato pathram công nghệ viễn thông quốc phòng ka dom negar Thái Bình Dương, peih prong dom mbang nyaom biai yaok thun di gah quốc phòng, cảnh sát saong an ninh tapen negar. Tui Dom urang langyah, Australia daok kham merat pasiam veik labik dang di negar ini dalam bhum Thái Bình Dương, piah pacang ảnh hưởng dak harei dak tagok di Trung Quốc.

 

8/ Dalam tuk bruk sraak akhar huroh  “A.Hào” tagok patau praong pak ban klak di Nhật Bản oh ka radam trun ye dahlau di ini 2 harei, sa urang negar Viet duah mboh mblak tangin rup patau cagau ameh dalam labik rivang main dulich Namsan, ban Seoul vak akhar "BÒ NƯỚNG", hu  gam angan saong labik di dom cửa hàng limo am cuk  di Ha Noi. Tui akhar huroh cih vak, rilo urang lac huroh nan kayua urang Việt vak. Urang anagok mạng sa mbang tra haduh hatai anak bruk oh thau sahaneng ini, kayua oh lac angan je di urang bo daok lac mbaok meta palei negar./.

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân