Sara lac janih bhian hu pandar dalam tuk ngak dom janih ralow saong ikan, hadang. Bruk pandar sara njauk dalam var mbang huak yaok harei hu daong ka urang ngak pandap mbang mboh bingi cambuai. Yau nan min, bruk pandar biak rilo sara, gia vị hu sara saong dom janih ralow, ikan hu sara nyu oh siam ka tim mạch, huyết áp, min mbang taba rilo jeng oh siam ka prein yava. Bruk bhian randap ini lac oh siam dalam mbang huak bo rilo menuac daok gaok. #Sa harei mbang hadom sara lac ginup? Sara atau natriclorua (NaCl) meda lac janih kol drei bhian pandar piah khik, piah ngak pandap mbang yaok harei. Tui chuyên gia dinh dưỡng di Viện dinh dưỡng quốc gia, urang prein yava siam mekre oh tagok darah, oh lamek labaih kilo, oh hu dom janih ruak njauk mbang taba, siam di nyu tok mbang meng 6 - 8g sara 1 harei (dalam nan hu gam sara mbang, ia mesin, bột canh...).

Mbang mbak mbuan ba tal ruak baoh hatai 

 

Mbang taba rilo jeng oh siam ka prein yava:

PGS.TS Nguyễn Thanh Chò, Chủ nhiệm bộ môn Dinh dưỡng, Sang iek ruak 103, Học viện Quân y brei thau: Meyah mbang takik sara, rup pabhap meda njauk glaih glar, lah mbang, ba tal patrun dom chức năng di dom cơ quan dalam rup pabhap saong prein yava oh daok khang kajap meyah caik ka bruk nan rah tabiak dalam suai lavik.

Mbang takik sara lac tuk pandap mbang, ia menyum dalam 24 tuk ba tame rup  pabhap hu abih tih NaCl takik jang 2.400mg (samu sa cung cà phê sara). Meyah menuac prein yava siam mekre bo mbang 1- 2g sara yaok harei saong mbang suai lavik yau nan, lac mbang biak takik sara saong meda ba tal trun natri darah, mbuan metai meyah natri darah trun biak biar.

  Dom menuac njauk mbang taba:

Menuac darah tagok glaong tok mbang 2-3 g sara yaok harei saong takik mbang dom janih ralow, ikan hu rilo sara. Njauk klaak bruk bhian randap hu 1 panyin ia mesin dalam tuk huak, tuk mbang njam tuk. Urang ruak suy thận, suy tim njauk mbang taba tui tukvak di ruak. 

Urang meng 45 thun tagok jeng njauk mbang takik sara. Tok pabak ka rup pabhap hadom sara tui panuac kakei.

Urang lamek labaih kilo njauk caik hatai tal bruk mbang sara yaok harei, meyah oh ngak yau nan, mbuan ba tal tagok darah.

Uranaih meng di tuk mbang pabak jeng pasram ka nyu takre mbang taba, tuk ngak tapung ka nyu mbang oh cang buh sara tame, abih di nyu nan lac tuk srau pabak sữa bột, pho mát tame tapung, tame bu, kayua sara dalam hu dalam pandap mbang jeng ginup ka rup pabhap di uraniah. Daok meyah uraniah randap mbang sara jeng njauk ngak ka nyu taba jang cambuai mbang di urang praong./.

Urang lang: Musa Phương - 27/10 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân