Langik la-ar jang meda  mbuan njauk ruak di anek manuac, abih di nyu lac uranaih

Dom ruak jalan suak yava bo uranaih njauk ruak, ye taong ruak oh kan, gam tui bruk mbang huak siam lagaih ye uraniah samar abih ruak. Daok dom uranaih oh hu iek glang, oh hu taong ruak viêm phổi samar drah, uranaih meda njauk rilo janih ruak karei gam tui, njaom mbak anek ruak dalam darah… ngak ka ruak suai abih, tukvak ndih iek ruak lavik oh siam ka pren yava di uranaih.  

Piah pacang caga dom ruak di jalan suak yava, bác sĩ Đặng Thị Thúy kakei lac: Amaik ame njauk pakhang prein yava ka uranaih tui jalan brei grap tanat bruk mbang huak siam, lagaih saong ginup. Caik hatai tal bruk vệ sinh ka uranaih, plaih pataom rilo manuac. Urang prong njauk tacei pato uranaih rao tangin saong gaok mai rao gam pandap ma-in di uranaih, oh brei ka uranaih pabhum pandap ma-in. Dom virus ba tal ruak jalan suak yava njaom mbak tapa aia pabah. Kayua yau nan ye, njauk brei ka uranaih cuk khan pacang mbaok tuk daok di labik hu rilo manuac. Patakik bruk urang prong cum mbaok uranaih kayua mbuan njaom mbak ruak. Meyah uranaih ruak njauk brei daok karei piah mong iek pak di sang, bruk ini daong mong iek uranaih siam jang saong plaih njaom mbak ka urang karei.

Cục Y tế pacang caga, mentri Y tế kakei lac: Biak rilo urang oh ka thau lac, tok hu dom jalan ngak sit lac meda pacang hu ruak kik. Menuac urang drei jhui var sangka tal prein yava di drei tuk langik la-ar.

Njauk thau jalan pacang caga, khik iek pren yava, khik ấm rup babhap, mbang menyum rilo chất dinh dưỡng, vitamin, khoáng chất piah patagok pren pacang ruak. Takik mbang pandap la-ar mbuan ngak brei rup la-ar.

Njauk rao tangin gam gam kayua virus njaom mbak meng urang ini tapa urang diah saong rao tangin meda pacang cakak hu bruk njaom mbak. Khik hacih sa-at rup pabhap yaok harei min njauk ngak di labik oh hu angin saong hu pandap ngak pandiak atau ủ ấm piah plaih la-ar. Plaih taom gaok chip haong langik la-ar; pathram rup pabhap yaok harei... Jhuai menyum alak dahlau di tuk nao tabiak langiu langik la-ar piah plaih di njauk angin, cảm la-ar. Abih di nyu lac, tuk mboh yau njauk ruak, brei nao chip tal labik y tế piah taong ruak./.

Urang lang: Jasi – 22/10

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân