Padeih harak pambuak bruk lac sa dalam dom paka hu rilo salih bahrau di Hukum Lao động 2019 song Hukum Lao động 2012, abih di nyu nan lac asar kadha pambuak tal quyền eng drei padeih harak pambuak bruk di urang ngak. Tui hukum bahrau, meng thun 2021, urang ngak mbuan si padeih harak pambuak bruk ngak jang. Tui nan, dalam dom bruk halei urang ngak hu quyền eng drei padeih harak pambuak bruk ngak bo oh cang khan brei thau dahlau, khol drei duah thau tapa kadha “Hukum negar song raiduik” harei ni:

Njauk urang pandar urang ngak puac preo, tong paoh hu  quyền eng drei padeih harak pambuak bruk ngak bo oh cang khan brei thau dahlau

Hukum lao động 2019 hu ba tabiak pandar meng harei  01/01/2021 hu tacei tabiak dom bruk urang ngak  hu  quyền eng drei padeih harak pambuak bruk ngak oh cang khan brei dahlau yau ni: 

Oh hu brei ngak njauk bruk, labik ngak bruk oh siam mekre salamat yau panuac sanya, oh kuhria bruk lac brei ngak bruk oh njauk tui harak pambuak bruk kayua urang pandar urang ngak gaok kan kandah oh thau dahlau (yau ye njauk bala meng langik tasik, pui khuah, jit ruak … tui paka  29 Hukum lao động 2019).

Oh hu bayar ginup jien bilan atau bayar jien bilan oh njauk harei, oh kuhria bruk lac kayua urang pandar urang ngak gaok bruk lingiu di hatai khin  tui khoản 4 paka 97 di Bộ luật ni;

Njauk urang pandar urang ngak puac preo, tong paoh atau hu panuac ndom, ngak pamelau, ngak jhak tal pren yava, angan je,  njauk; kateik greik ngak bruk

Njauk rapeih rapei di labik ngak bruk;

Urang ngak lac urang kamei metain njauk brei padeih bruk tui panuac takei di  bác sĩ tui  khoản 1 paka 138 di  Hukum ni;

Ginup umo padeih hưu tui paka 169 di  Huum ni, oh kuhria bruk lac dom gah hu panuac sanya karei

Urang pandar urang ngak pabak khau tin oh njauk hu tacei tabiak di khoản 1 paka 16 di Hukum ni ngak kan kandah tal bruk patui peih ngak harak pambuak bruk ngak .

Ni lac kadha bahrau dut song Hukum lao động 2012. Hukum lao động 2012 tacei lac urang ngak tuk eng drei padeih harak pambuak bruk brei ngak njauk tuk vak khan brei thau dahlau, daok harak pambuak hu cambaih tuk vak, harak pambuak bruk tui thun bilan atau tui sa bruk ngak halei nan hu tuk vak ala  12 bilan daok brei hu makna cambaih laih hu tacei tabiak di paka  37.

Urang lang: Thu Thảo - 28/07

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân